இயக்குனர் வேல்ராஜ் இயக்கத்தில் தனுஷ் நடித்த 'வேலையில்லா பட்டதாரி' படத்தின் வெற்றியை அடுத்து மீண்டும் வேல்ராஜ் இயக்கத்தில் தனுஷ் நடித்த படம் 'தங்க மகன்'. ஏற்கனவே சூப்பர் ஸ்டார் ரஜினிகாந்த் நடித்த பொல்லாதவன், மாப்பிள்ளை போன்ற படத்தின் டைட்டில்களை தனது படத்திற்கு வைத்திருந்த தனுஷ், இந்த படத்திற்கும் மூன்றாவது முறையாக அவருடைய படம் ஒன்றின் டைட்டிலை வைத்துள்ளார் தனுஷ் என்பது குறிப்பிடத்தக்கது.

இந்நிலையில் சூப்பர் ஸ்டாரின் டைட்டிலை மட்டும் வைத்ததோடு இல்லாமல், 'தங்கம் மகன்' படத்தை அவருடைய பிறந்த நாளில் அதாவது வரும் டிசம்பர் 11ஆம் தேதி ரிலீஸ் செய்ய தனுஷ் முடிவு செய்திருப்பதாக கூறப்படுகிறது. கடந்த ஆண்டு இதே தினத்தில்தான் சூப்பர் ஸ்டார் ரஜினி நடித்த 'லிங்கா' ரிலீஸ் ஆனது என்பது குறிப்பிடத்தக்கது.

தனுஷ், சமந்தா, எமிஜாக்சன், சதீஷ், ராதிகா சரத்குமார், கே.எஸ்.ரவிகுமார் மற்றும் பலர் நடித்துள்ள இந்த படத்திற்கு அனிருத் இசையமைத்துள்ளார். 'வேலையில்லா பட்டதாரி' பட இயக்குனர் வேல்ராஜ் இயக்கியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.