நடிகை ஸ்ரீதேவி கடந்த சனிக்கிழமை துபாயில் எதிர்பாராத வகையில் மரணம் அடைந்த நிலையில் அவருக்கு இறுதியஞ்சலி செலுத்த கோலிவுட் பிரமுகர்களான ரஜினி, கமல், நாசர் உள்பட பலர் மும்பை சென்றுள்ளனர். இன்று ஸ்ரீதேவியின் உடல் மும்பை வரும் என்று எதிர்பார்க்கப்படுகிறது. இதனையடுத்து இறுதி ஊர்வலத்திலும் கோலிவுட் பிரமுகர்கள் கலந்து கொள்ளவுள்ளனர்.

இந்த நிலையில் இன்று ரஜினி-லதா தம்பதியின் 37வது திருமண நாள் ஆகும். கடந்த 37 வருடங்களாக ஒவ்வொரு திருமண நாளையும் மகள்கள் மற்றும் உறவினர்களுடன் கொண்டாடி வந்த ரஜினிகாந்த்-லதா தம்பதியினர் தற்போது ஸ்ரீதேவிக்காக மும்பையில் இருப்பதால் இந்த ஆண்டு அவர்கள் திருமண நாளை கொண்டாடுவதை புறக்கணித்துள்ளனர். இருப்பினும் ரஜினி ரசிகர்கள் அவர்களுக்கு சமூக வலைத்தளங்கள் மூலம் வாழ்த்து தெரிவித்து வருகின்றனர்.

ஸ்ரீதேவியின் மறைவால் தான் ஒரு நெருங்கிய நண்பரை இழந்துவிட்டதாக ஏற்கனவே ரஜினிகாந்த் மும்பை செல்லும் முன் கூறியிருந்தார் என்பது குறிப்பிடத்தக்கது.