சூப்பர் ஸ்டார் ரஜினியின் அடுத்த படத்தை இயக்கும் கார்த்திக் சுப்புராஜ்: மேலும் சில தகவல்கள்
- IndiaGlitz, [Friday,February 23 2018]
சூப்பர் ஸ்டார் ரஜினிகாந்த் தற்போது காலா மற்றும் 2.0 ஆகிய படங்களை நடித்து முடித்துள்ளார். இதில் 'காலா;' திரைப்படம் வரும் ஏப்ரல் 27ஆம் தெதி ரிலீஸ் ஆகவுள்ளது.
இந்த நிலையில் கூடிய விரைவில் ரஜினிகாந்த் அரசியல் கட்சி ஆரம்பிக்கவுள்ள நிலையில் தனது அரசியல் கொள்கைகளை குறிக்கும் வகையில் ஒரு படத்தில் நடிக்கவிருப்பதாக கூறப்பட்டது
இந்த நிலையில் ரஜினியின் அடுத்த படத்தை பிரபல இயக்குனர் கார்த்திக் சுப்புராஜ் இயக்கவுள்ளதாக அறிவிக்கப்பட்டுள்ளது. இந்த படத்தை சன்பிக்சர்ஸ் நிறுவனம் தயாரிக்கவுள்ளது. ஏற்கனவே இதே நிறுவனம் ரஜினி நடித்த 'எந்திரன்' படத்தை பிரமாண்டமாக தயாரித்தது என்பது குறிப்பிடத்தக்கது.
கார்த்திக் சுப்புராஜின் ''ஜிகர்தண்டா' திரைப்படத்தில் பாபிசிம்ஹா நடித்த கேரக்டர் குறித்து கார்த்திக் சுப்புராஜ் தன்னிடம் கூறியிருந்தால் அந்த கேரக்டரில் நான் நடித்திருப்பேன் என்று ரஜினி ஏற்கனவே கூறியிருந்தார் என்பதும், இந்த கேரக்டருக்காக பாபிசிம்ஹா தேசிய விருது பெற்றார் என்பதும் குறிப்பிடத்தக்கது.