ర‌జినీకాంత్‌, క‌మ‌ల్ హాస‌న్ ప‌రిచ‌యం అక్క‌ర్లేని పాన్ ఇండియా స్టార్స్ వీళ్లు. కెరీర్ ప్రారంభంలో ఇద్ద‌రూ క‌లిసి ప‌లు సినిమాల్లో న‌టించారు. అయితే ఇద్ద‌రికీ స్టార్ డ‌మ్ వ‌చ్చిన త‌ర్వాత మాత్రం క‌లిసి న‌టించ‌లేదు. చాలా మంది ద‌ర్శ‌క నిర్మాత‌లు గ‌ట్టి ప్ర‌య‌త్నాలే చేసినా ఎందుక‌నో వీరి కాంబినేష‌న్‌లో ప్రాజెక్ట్ సెట్ కాలేదు. అయితే ర‌జినీకాంత్, క‌మ‌ల్‌హాస‌న్ క‌లిసి సినిమా చేయ‌బోతున్నార‌ని కోలీవుడ్ వ‌ర్గాల అంటున్నాయి. అయితే ఇద్ద‌రూ హీరోలుగా సినిమా చేయ‌డం లేద‌ట‌. సూప‌ర్‌స్టార్ ర‌జినీకాంత్ హీరోగా న‌టిస్తుంటే క‌మ‌ల్‌హాస‌న్ా చిత్రాన్ని నిర్మిస్తున్నాడ‌ట.

వివ‌రాల్లోకెళ్తే.. ప్ర‌స్తుతం ర‌జినీకాంత్ శివ ద‌ర్శ‌క‌త్వంలో త‌న 168వ సినిమాను చేస్తోన్న సంగ‌తి తెలిసిందే. ఈ సినిమా తర్వాత 169వ చిత్రంగా రజినీ, కమల్ చిత్రం రూపొందనుంది. ఖైదీ, మాస్టర్ చిత్రాల దర్శకుడు లోకేష్ కనకరాజ్ ఈ చిత్రాన్ని డైరెక్ట్ చేస్తాడట. నిజానికి ఈ వేసవిలోనే ఈ సినిమా ప్రారంభం కావాల్సింది. కానీ క‌రోనా ఎఫెక్ట్‌తో సినిమా వెన‌క్కి వెళ్లింద‌ట‌. సినీ వ‌ర్గాల స‌మాచారం మేర‌కు ఆగ‌స్ట్‌లో ఈ సినిమా ప్రారంభ‌మ‌వుతుంద‌ని అంటున్నారు. ఒక ప‌క్క సినిమాల్లో న‌టిస్తూనే ర‌జినీకాంత్, రాజ‌కీయాల వైపు కూడా దృష్టి సారించ‌బోతున్నారు.