త‌మిళ సూప‌ర్ స్టార్ ర‌జనీకాంత్ న‌టిస్తున్న తాజా చిత్రం క‌బ‌లి. ఈచిత్రంలో ర‌జ‌నీ స‌ర‌స‌న రాధికా ఆప్టే న‌టిస్తుంది. యువ ద‌ర్శ‌కుడు రంజిత్ ఈ సినిమాని తెర‌కెక్కిస్తున్నారు. ప్ర‌ముఖ నిర్మాత క‌లైపులి ఎస్.ధాను ఈ సినిమాని ప్ర‌తిష్టాత్మ‌కంగా నిర్మిస్తున్నారు. ఇటీవ‌ల ప్రారంభ‌మైన క‌బ‌లి చిత్రం చెన్నైలో శ‌ర‌వేగంగా షూటింగ్ జ‌రుపుకుంటుంది.

ఈ చిత్రంలో ర‌జ‌నీకాంత్ డాన్ గా న‌టిస్తున్నారు.మాఫియా డాన్ గా ఓల్డ్ గెట‌ప్ లో ర‌జ‌నీ లుక్ సెన్సేష‌న్ క్రియేట్ చేస్తుంది. చెన్నైలో ఓ స్టూడియోలో వేసిన థాయ్ లాండ్ సెట్ లో అక్టోబ‌ర్ 7 వ‌ర‌కు షూటింగ్ చేయ‌నున్నారు. ఆత‌ర్వాత అక్టోబ‌ర్ 15 నుంచి 40 రోజులు మ‌లేషియాలో షూటింగ్ ప్లాన్ చేస్తున్నారు. ఇక అస‌లు విష‌యానికి వ‌స్తే....ఈ సినిమా త‌మిళ వెర్షెన్ కి టైటిల్ క‌బ‌లి ఫిక్స్ చేసారు. అయితే తెలుగు వెర్ష‌న్ కి క‌బ‌లి కాకుండా ప‌వ‌ర్ ఫుల్ టైటిల్ పెడ‌తార‌ట‌. అది త్వ‌ర‌లోనే ప్ర‌క‌టిస్తార‌ని స‌మాచారం.