రజనీ కబాలి వాయిదా..
- IndiaGlitz, [Tuesday,June 14 2016]
సూపర్ స్టార్ ర‌జ‌నీకాంత్ న‌టించిన తాజా చిత్రం కబాలి. ఈ చిత్రాన్ని యువ ద‌ర్శ‌కుడు రంజిత్ తెర‌కెక్కించారు. క‌లై ఫులి ఎస్ థాను భారీ బ‌డ్జెట్ తో ఈ చిత్రాన్ని ప్ర‌తిష్టాత్మ‌కంగా నిర్మించారు.ఇక అస‌లు విష‌యానికి వ‌స్తే.. కబాలి రిలీజ్ మ‌ళ్లీ వాయిదా ప‌డింది. అస‌లు కబాలి చిత్రాన్ని మే నెల‌లో రిలీజ్ చేయాలి అనుకున్నారు. అయితే..మే నెల‌లో తమిళనాడులో ఎన్నిక‌లు జ‌ర‌గ‌డం వ‌ల‌న ఈ చిత్రాన్ని జూన్ మొద‌టివారంలో రిలీజ్ చేయాల‌నుకున్నారు. ఆత‌ర్వాత జూన్ కాదు జులై 1న రిలీజ్ చేయ‌నున్న‌ట్టు ప్ర‌క‌టించారు.
ఇప్పుడు తాజా స‌మాచారం ప్ర‌కారం జులై 15న కబాలి చిత్రాన్ని రిలీజ్ చేయ‌డానికి ప్లాన్ చేస్తున్నారు. జులై 1న కబాలి రిలీజ్ కావ‌డం లేదు అని ఖ‌చ్చితంగా చెప్ప‌డానికి కారణం ఏమిటంటే...జులై 1 నిజంగా కబాలి రిలీజ్ అవుతుంటే వేరే చిత్రాల్ని రిలీజ్ చేసే సాహ‌సం చేయ‌రు. అయితే జులై 1న తమిళనాడులో ఒక‌టి కాదు రెండు చిత్రాలు రిలీజ్ అవుతున్నాయి. స‌త్య‌రాజ్ కీల‌క పాత్ర పోషించిన జాక్స‌న్ దురై, జోక‌ర్ చిత్రాలు రిలీజ్ అవుతున్నాయి. సో..కబాలి రిలీజ్ వాయిదా అనేది క‌న్ ఫ‌ర్మ్. కబాలి రిలీజ్ వాయిదాకి కారణం పోస్ట్ ప్రొడ‌క్ష‌న్ వ‌ర్క్ ఆల‌స్యం అవుతుండ‌డ‌మే అంటున్నారు. మ‌రి..ఈసారైనా వాయిదా వేయ‌కుండా జులై 15న కబాలి చిత్రాన్ని రిలీజ్ చేస్తార‌ని ఆశిద్దాం.