'கபாலி' இசை நிகழ்ச்சியில் படக்குழுவினர்களின் புதிய திட்டம்
- IndiaGlitz, [Thursday,June 02 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படத்தின் இசை வெளியீடு வரும் 9ஆம் தேதி சென்னையில் நடைபெறும் என செய்திகள் வெளிவந்த நிலையில் தற்போது இந்த விழா ஜூன் 11ஆம் தேதிக்கு தள்ளி போகும் என எதிர்பார்க்கப்படுகிறது.
ரஜினிகாந்த் தனது குடும்பத்தினர்களுடன் அமெரிக்காவில் ஓய்வு எடுத்து வருவதாகவும், இசை வெளியீட்டு நிகழ்ச்சிக்கு முன்னதாகவும் அவர் சென்னை திரும்பி வந்துவிடுவார் என்றும் கூறப்படுகிறது.
மேலும் இந்த விழாவில் ரசிகர்களின் கேள்விக்கு ரஜினிகாந்த் பதில் அளிப்பது போன்ற ஒரு திட்டம் இருப்பதாகவும், ரஜினிகாந்த் அமெரிக்காவில் இருந்து திரும்பியதும் இதுகுறித்து அவரிடம் ஆலோசிக்கப்படும் என்றும் படக்குழுவினர் கூறியுள்ளனர்.
மேலும் இந்த படத்தின் அனைத்து பணிகளும் கிட்டத்தட்ட முடிந்துவிட்டதாகவும் கிராபிக்ஸ் காட்சிகளின் பணிகள் முடிந்தவுடன் சென்சாருக்கு செல்லவுள்ளதாகவும் கூறப்படுகிறது.