'கபாலி' சென்சார் எப்போது?
- IndiaGlitz, [Monday,June 27 2016]
சூப்பர் ஸ்டார் ரஜினிகாந்த் நடிப்பில் உருவாகியுள்ள 'கபாலி' இதுவரை இல்லாத அளவில் மிகப்பெரிய எதிர்பாரப்பை உலகம் முழுவதும் ஏற்படுத்தியுள்ளது. தமிழ், தெலுங்கு மற்றும் இந்தி மொழிகளில் வெளியாகும் இந்த படம் உலகிலேயே மலாய் மொழியில் வெளியாகும் முதல் வேற்று மொழி படம் என்பதும் குறிப்பிடத்தக்கது.
இந்த படத்தின் மலாய் உள்பட அனைத்து மொழிகளின் டப்பிங் பணிகள் முடிவடைந்துவிட்டதாகவும் தற்போது அனைத்து மொழிகளிலும் சென்சாருக்கு செல்ல இந்த படம் தயாராக இருப்பதாகவும் இன்னும் ஓரிரு நாட்களில் இந்த படம் அனைத்து மொழிகளிலும் சென்சார் செய்யப்படும் என்றும் படக்குழுவினர் தகவல் தெரிவித்துள்ளனர்.
ரஜினிகாந்த், ராதிகா ஆப்தே, தன்ஷிகா, தினேஷ், கலையரசன், ஹரிகிருஷ்ணன், ஜான்விஜய், கிஷோர் உள்பட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். கலைப்புலி எஸ்.தாணு தயாரித்திருக்கும் இந்த படத்தை பா.ரஞ்சித் இயக்கியுள்ளார்.