కష్టాల్లో 'కాలా'
- IndiaGlitz, [Friday,June 09 2017]
సూప‌ర్‌స్టార్ రజనీకాంత్, పా రంజిత్ కాంబినేష‌న్‌లో ధ‌నుష్ నిర్మాత‌గా రూపొందుతోన్న చిత్రం 'కాలా'. ఈ సినిమా ప్ర‌స్తుతం ముంబైలో చిత్రీక‌ర‌ణ‌ను జ‌రుపుకుంటుంది. సాధార‌ణంగా ఓ స్టార్ సినిమా విడుద‌ల‌కు ద‌గ్గ‌ర‌వుతున్న‌ప్పుడో లేదా విడుద‌ల త‌ర్వాత‌నో వివాదాలకు నెల‌వ‌వుతుంది.
కానీ సూప‌ర్‌స్టార్ రజనీకాంత్ కాలా మాత్రం మొద‌టి షెడ్యూల్ స‌మయంలో వివాదాల్లో చిక్కుకొంది. కె.రాజ‌శేఖ‌రన్ అనే నిర్మాత కాలా మెయిన్ పాయింట్‌, టైటిల్ త‌న‌దంటూ చెన్నై కోర్టులో కేసు వేశాడు. కేసును ప‌రిశీలించిన కోర్టు రజనీకాంత్, ద‌ర్శ‌కుడు పా రంజిత్, నిర్మాత ధ‌నుష్‌కు నోటీసులు పంపింది. మ‌రి ఈ వివాదం ఎలాంటి మ‌లుపు తీసుకోనుందో, భ‌విష్య‌త్‌లో కాలా మ‌రెన్ని స‌మ‌స్య‌ల‌ను ఫేస్ చేయాలో చూడాల్సిందే.