சூப்பர் ஸ்டார் ரஜினிகாந்த் மிக விரைவில் அரசியல் கட்சி ஆரம்பித்து பொதுவாழ்வில் களமிறங்கவுள்ளார். அவருடைய ரஜினி மக்கள் மன்றத்தின் நிர்வாகிகள் தேர்வு முடிவடைந்தது அவர் தனது அரசியல் கட்சி குறித்த அறிவிப்பை அதிகாரபூர்வமாக வெளியிடுவார் என்று கருதப்படுகிறது

இந்த நிலையில் ரஜினிகாந்த் கடந்த 2013ஆம் ஆண்டில் இருந்து டுவிட்டரில் உள்ளார். அவர் இருக்கும் ஒரே சமூக வலைத்தளம் இதுமட்டுமே என்பதும், இந்த பக்கத்தில் 4.58 மில்லியன் ஃபாலோயர்கள் உள்ளனர் என்பதும் குறிப்பிடத்தக்கது.

இந்த நிலையில் தற்போது அவர் உலகின் நம்பர் ஒன் சமூக வலைத்தளமான ஃபேஸ்புக் மற்றும் இன்ஸ்டாகிராம் ஆகிய இரண்டு சமூக வலைத்தளங்களிலும் இன்று முதல் இணைந்துள்ளார். ஃபேஸ்புக்கில் அவர் 'வணக்கம்' என்ற ஒரே ஒரு பதிவை பதிவு செய்துள்ளார். இந்த வணக்கத்திற்கு ஆயிரக்கணக்கான லைக்ஸ்கள் குவிந்துள்ளது.

அரசியல் கட்சி தொடங்கிவிட்டால் தனது கருத்துக்கள் தனது கட்சியின் கொள்கைகள் மக்களை சென்றடைய அவர் சமூக வலைத்தளங்களை பயன்படுத்துவார் என்று எதிர்பார்க்கப்படுகிறது.