தமிழ் நடிகரின் மகள் ஒருவர் தனது இன்ஸ்டாகிராம் பக்கத்தில் ரஜினியிடம் இருந்து தனது தந்தைக்கு அழைப்பு வந்ததாக நெகிழ்ச்சியுடன் பதிவு செய்திருப்பது பரபரப்பை ஏற்படுத்தி உள்ளது.

தமிழ் சினிமாவில் ஹீரோ, குணச்சித்திர கேரக்டர்களில் நடித்து ரசிகர்களின் மனதை கவர்ந்த நடிகர்களில் ஒருவர் லிவிங்ஸ்டன் . இவர் ரஜினியுடன் ’வீரா’, ’சிவாஜி’, ‘அண்ணாத்த’ போன்ற படங்களில் நடித்துள்ளார் என்பதும் தற்போது உருவாகி வரும் ’லால்சலாம்’ படத்திலும் ஒரு முக்கிய கேரக்டரில் ரஜினியுடன் நடித்துள்ளார் என்பது குறிப்பிடத்தக்கது.

இந்த நிலையில் ரஜினிகாந்த் தனது நண்பர்களை அவ்வப்போது தனது வீட்டிற்கு வரவழைத்து அவர்களுடன் நேரத்தை செலவிடுவது வழக்கமான ஒன்று. அந்த வகையில் லிவிங்ஸ்டனை சமீபத்தில் ரஜினிகாந்த் தனது வீட்டிற்கு வரவழைத்துள்ளார்.

இதுகுறித்து லிவிங்ஸ்டன் மகள் ஜோவிடா தனது சமூக வலைத்தளத்தில் நெகிழ்ச்சியுடன் பதிவு செய்துள்ளார். அந்த பதிவில் ‘இந்த நாள் என் வாழ்க்கையில் மறக்க முடியாத, நினைவில் வைத்து பாதுகாக்கும் ஒரு நாள். சூப்பர் ஸ்டார் அவர்கள் என் தந்தையை அவரது வீட்டுக்கு அழைத்து இருந்தார். அப்பாவுக்கும் சூப்பர் ஸ்டாருக்கும் உள்ள நெருக்கம் பற்றி எனக்கு நன்றாகவே தெரியும்.

இன்று மட்டும் எனக்கு படப்பிடிப்பு இல்லாமல் இருந்திருந்தால் நானும் என் தந்தையிடம் கெஞ்சி அவரோடு சென்றிருப்பேன். இருப்பினும் விரைவில் ஒரு நாள் அவர்களை சந்திப்பேன். ரஜினி அவர்கள் மீதான அன்பு நாளுக்கு நாள் அதிகமாகிக்கொண்டே வருகிறது’ என்று பதிவு செய்துள்ளார்.

மேலும் ரஜினியும் லிவிங்ஸ்டனும் இணைந்த புகைப்படத்தையும் அவர் தனது சமூக வலைதளத்தில் பதிவு செய்துள்ள நிலையில் அந்த பதிவுக்கு லைக்ஸ் கமெண்ட்ஸ் குவிந்து வருகிறது.

View this post on Instagram

A post shared by Jovita Philip Livingstone (@jovitaalivingston)