రాజకీయాల్లోకి రజనీకాంత్...
- IndiaGlitz, [Wednesday,March 29 2017]
త‌మిళ సూప‌ర్‌స్టార్ రజనీకాంత్ త్వ‌ర‌లోనే రాజకీయాల్లోకి రానున్నార‌ని వార్త‌లు త‌మిళ‌నాడులో విన‌ప‌డుతున్నాయి. సాధార‌ణంగా ఎప్ప‌టి నుండో రజనీకాంత్ అభిమానులు ఆయ‌న రాజకీయాల్లోకి రావాల‌ని కోరుకుంటూనే ఉన్నారు. అయితే రజనీకాంత్ మాత్రం ఆ వార్త‌ల‌ను తోసిపుచ్చుతూ వ‌చ్చారు. అయితే రీసెంట్‌గా రజనీకాంత్ స‌తీమ‌ణి ల‌త చేసిన వ్యాఖ్య‌లు సెన్సేష‌న్ అయ్యాయి. రజనీకాంత్ రాజకీయాల్లోకి రావ‌డ‌మ‌నే దానిపై స‌రైన స‌మ‌యంలోనే నిర్ణ‌యం తీసుకుంటార‌ని ల‌త చెప్ప‌డం ప్రాధాన్య‌త‌ను సంతరించుకున్నాయి. వ‌చ్చే నెల 2న రజనీకాంత్ తన అభిమానుల‌ను క‌లుసుకోబోతున్నార‌ట. అందులోనే రజనీకాంత్ తన రాజ‌కీయ భ‌విష్య‌త్‌కు సంబంధించిన నిర్ణ‌యం తీసుకుంటార‌ని త‌మిళ తంబీలు అభిప్రాయ‌ప‌డుతున్నారు.