'காலா' படத்திற்கு எதிர்ப்புகள் அதிகம் இருக்கும் என்று தான் எதிர்பார்த்ததாகவும், ஆனால் எதிர்ப்புகள் தான் எதிர்பார்த்ததை விட குறைவாக இருப்பதாகவும் ரஜினிகாந்த் நேற்று பேட்டி ஒன்றில் தெரிவித்துள்ளார்.

'காலா' படத்தின் புரமோஷன் நிகழ்ச்சி நேற்று ஐதராபாத்தில் நடந்தது. இந்த விழாவில் கலந்து கொண்ட பின்னர் நேற்றிரவு ரஜினிகாந்த் சென்னை திரும்பினார். அப்போது செய்தியாளர்களிடம் பேசிய ரஜினிகாந்த், 'காலா' படத்திற்கு இன்னும் எதிர்ப்புகள் அதிகம் என்று எதிர்பார்த்தேன். ஆனால் எதிர்ப்புகள் கம்மியாகத்தான் உள்ளது.

மேலும் 'காலா' படத்தை கர்நாடகாவில் எதிர்க்க எந்தவித காரணமும் இல்லை. எனவே முதல்வர் குமாரசாமி அவர்களும், நான் பெரிதும் மதிக்கும் தேவகவுடா அவர்களும் 'காலா' படத்தை திரையிட வழிவகை செய்வார்கள் என்றும், காலா' படம் திரையிடப்படும் திரையரங்குகளுக்கு பாதுகாப்பு கொடுப்பார்கள் என்றும் நான் எதிர்பார்க்கின்றேன்.

மேலும் அரசியல் வேறு சினிமா தொழில் வேறு. இரண்டையும் சம்பந்தப்படுத்தக்கூடாது என்று கூறிய ரஜினிகாந்த் ஒருசிலர் இரண்டையும் சம்பந்தப்படுத்தி அரசியல் செய்கின்றனர், நாம் என்ன செய்ய முடியும்' என்று கூறினார்.