என் பின்னால் இருப்பது ஒரே ஒருவர் தான்: சென்னை திரும்பிய ரஜினி
- IndiaGlitz, [Tuesday,March 20 2018]
ரஜினி குறித்து பெரும்பாலானோர் செய்து வரும் விமர்சனம் அவரது பின்னால் பாஜக இருக்கின்றது என்பதும், பாஜக அவரை ஆட்டுவிக்கின்றது என்பதும்தான். இன்று இமயமலையில் இருந்து சென்னை திரும்பிய ரஜினிகாந்த் இதற்கு பதிலளித்தார். என் பின்னால் பாஜக இருப்பதாக பலர் கூறி வருகின்றனர். என் பின்னால் இருப்பது கடவுள் ஒருவர்தான். அதன் பின்னர் மக்கள் என்று கூறினார்
மேலும் நான் இன்னும் அரசியலில் குதிக்கவில்லை. முழு நேர அரசியலில் குதிக்கும் வரை அன்றாடம் நடக்கும் விஷயங்கள் குறித்த கேள்விகளுக்கு நான் பதில் அளிக்க மாட்டேன் என்று ஏற்கனவே கூறிவிட்டேன். இன்னும் எத்தனை தடவை இதை நான் கூற வேண்டும் என்று தெரியவில்லை' என்று கூறினார்.
மேலும் காவிரி மேலாண்மை வாரியம் குறித்து கருத்து கூறிய ரஜினிகாந்த், 'காலம் தாழ்த்தாமல் காவிரி மேலாண்மை வாரியத்தை உடனே அமைக்க வேண்டும்' என்று கூறினார்.
மேலும் ஆலங்குடியில் பெரியார் சிலை உடைக்கப்பட்டது வன்மையாக கண்டிக்கத்தக்கது என்றும் ரத யாத்திரையால் மத பிரச்சனை ஏற்படாமல் பாதுகாப்பு ஏற்பாடுகள் செய்ய வேண்டும் என்று கூறினார்