சூப்பர் ஸ்டார் ரஜினிகாந்த் நடித்த "வேட்டையன்" திரைப்படம் கடந்த வியாழக்கிழமை வெளியாகி, வியாழன், வெள்ளி, சனி, ஞாயிறு ஆகிய நான்கு நாட்களின் வசூல் குறித்த தகவல் இணையத்தில் வெளியாகி பரபரப்பை ஏற்படுத்தியுள்ளது.

சூப்பர் ஸ்டார் ரஜினிகாந்தின் நடிப்பில், ஞானவேல் இயக்கத்தில், அனிருத் இசையில், லைக்கா நிறுவனத்தின் தயாரிப்பில் உருவான "வேட்டையன்" திரைப்படம் கடந்த வியாழக்கிழமை வெளியானது. இந்த படம் ரசிகர்கள் மத்தியில் மிகப்பெரிய வரவேற்பை பெற்றிருக்கிறது, மேலும் பெரும்பாலான விமர்சகர்கள் நேர்மறையான விமர்சனங்களை வழங்கியுள்ளனர்.

இந்த நிலையில், தற்போது இந்த படத்தின் நான்கு நாட்களின் வசூல் ரூ. 240 கோடி என்ற தகவல் வெளியாகியுள்ளது. உலகம் முழுவதும் மிகப்பெரிய வசூலைப் பெற்றுள்ள "வேட்டையன்" திரைப்படம் இன்னும் சில நாட்களில் ரூ. 300 கோடி அல்லது ரூ. 400 கோடி வசூலை அடையும் என்று எதிர்பார்க்கப்படுகிறது.

ஆனால், இதே சமயம், சென்னை உட்பட தமிழகம் முழுவதும் கனமழை பெய்யும் எச்சரிக்கை விடுக்கப்பட்டுள்ளதால், குடும்ப ஆடியன்ஸ்கள் திரையரங்குக்கு செல்வது சிரமமாகும் என்றும், இதனால் வசூல் பாதிக்கப்படலாம் என்று கூறப்படுகிறது.