சூப்பர் ஸ்டார் ரஜினியை கடந்த பல வருடங்களாக அரசியலில் இழுக்க பல கட்சிகள் முயற்சி செய்து வந்தபோதிலும் அவ்வப்போது வாய்ஸ் மட்டும் கொடுத்துவிட்டு விலகிவிடுவதையே அவர் வழக்கமாக கொண்டிருக்கின்றார்.

இந்நிலையில் வரும் சட்டமன்ற தேர்தலில் ரஜினிகாந்த் இறங்கவுள்ளதாக செய்திகள் வெளிவந்துள்ளது. ஆனால் இந்த தேர்தலில் அவர் போட்டியிடவில்லை என்றும் தேர்தல் கமிஷன் தயாரிக்கும் விளம்பர படம் ஒன்றில் அவர் நடிக்கவுள்ளதாகவும் கூறப்படுகிறது.

தேர்தல் விழிப்புணர்வு குறித்த குறும்படங்களை தேர்தல் கமிஷன் தயாரித்து வருகிறது. இந்த விழிப்புணர்வு படத்தில் ஏற்கனவே நயன்தாரா, கிரிக்கெட் வீரர் அஸ்வின் உள்ளிட்டோர் நடித்திருக்கும் நிலையில் ரஜினியிடம் நடிப்பதற்காக தேர்தல் கமிஷன் அணுகியுள்ளதாக தமிழக தலைமைத் தேர்தல் அதிகாரி ராஜேஷ் லக்கானி தெரிவித்துள்ளார். இந்த படத்தில் நடிக்க ரஜினி ஒப்புக்கொள்வார் என்றே எதிர்பார்க்கப்படுகிறது.