'அண்ணாத்த' படப்பிடிப்பில் மீண்டும் ரஜினிகாந்த்: வைரல் வீடியோ
- IndiaGlitz, [Thursday,April 08 2021]
சூப்பர் ஸ்டார் ரஜினிகாந்த் நடித்து வரும் ’அண்ணாத்த’ திரைப்படத்தின் படப்பிடிப்பு பெரும்பாலான பகுதி முடிந்து விட்ட நிலையில் இன்னும் ஒரு சில காட்சிகள் மட்டுமே படமாக்கப்பட வேண்டியிருப்பதாக படக்குழுவினர் ஏற்கனவே தெரிந்திருந்ததனர்.
இந்த படத்தின் படப்பிடிப்பு விரைவில் தொடங்கும் என்று செய்திகள் வெளியான நிலையில் சற்று முன் வெளியான தகவலின் படி ஹைதராபாத்தில் ’அண்ணாத்த’ படத்தின் படப்பிடிப்பு நடைபெறவுள்ளதாகவும் இந்த படப்பிடிப்பில் ரஜினிகாந்த் கலந்துகொள்ள இருப்பதாகவும் செய்திகள் வெளியாகியுள்ளது. மேலும் ரஜினிகாந்த் சென்னையிலிருந்து ஹைதராபாத் கிளம்பும் வீடியோ ஒன்று தற்போது இணையதளங்களில் வைரலாக வருகிறது என்பது குறிப்பிடத்தக்கது.
ஹைதராபாத்தில் உள்ள ராமோஜிராவ் பிலிம் சிட்டியில் இன்னும் ஒரு சில நாட்கள் இந்த படத்தின் படப்பிடிப்பு நடைபெறும் என்றும், இதில் ரஜினிகாந்த் சம்பந்தப்பட்ட காட்சிகள் அனைத்தும் படமாக்கப்பட்டு முடிந்துவிடும் என்றும் தெரிகிறது.
ரஜினிகாந்த், குஷ்பூ, மீனா, கீர்த்தி சுரேஷ், பிரகாஷ்ராஜ், சூரி உள்ளிட்ட பலர் நடித்துள்ள இந்த திரைப்படத்தை சன் பிக்சர்ஸ் நிறுவனம் பிரம்மாண்டமாக தயாரித்து வருகிறது என்பதும் டி இமான் இந்த படத்திற்கு இசையமைத்து வருகிறார் என்பதும் குறிப்பிடத்தக்கது. இந்த படம் வரும் தீபாவளி அன்று வெளியாகும் என ஏற்கனவே சன் பிக்சர்ஸ் நிறுவனம் அதிகாரபூர்வமாக அறிவித்துள்ளது என்பது தெரிந்ததே.
Superstar #Rajinikanth leaves for Hyderabad to commence the shooting of #Annaatthe from tomorrow! It will be the final schedule of the film. Biggest Diwali release on cards! ??#AnnaattheDiwali pic.twitter.com/Bej1QmSqde
— Rajinikanth Fans (@RajiniFC) April 8, 2021