మెగాస్టార్ చిరంజీవి ప్రధాన పాత్రలో నటిస్తున్న చిత్రం ‘సైరా నరసింహారెడ్డి’. సురేందర్ రెడ్డి దర్శకత్వం వహిస్తున్నారు. అమితాబ్ బచ్చన్, జగపతి బాబు, కిచ్చా సుదీప్, విజ‌య్ సేతుప‌తి ముఖ్య పాత్రల్లో నటిస్తున్నారు. నయనతార కథానాయికగా నటిస్తుండగా.. మిల్కీ బ్యూటీ తమన్నా ఓ కీలక పాత్రలో కనిపించనున్నారు.

ఇదిలా ఉంటే.. నరసింహారెడ్డి మొదటి భార్య పాత్రలో నయనతార నటిస్తుండగా.. మరో భార్య పాత్రలో బాలీవుడ్ నటి హ్యూమా ఖురేషిని ఎంపిక చేసినట్టు సమాచారం. హిందీలో ‘గ్యాంగ్స్ ఆఫ్ వసీపూర్’ సిరీస్‌లతో పాటు ‘బద్లాపూర్’, ‘జాలీ ఎల్.ఎల్.బి2’ లాంటి పలు చిత్రాలతో పాటు.. తాజాగా విడుదలైన ‘కాలా’ చిత్రంలో సూపర్ స్టార్ రజనీకాంత్‌తో కలిసి నటించింది హ్యూమా ఖురేషి.

బాలీవుడ్‌లో ఆమెకున్న ప్ర‌త్యేక గుర్తింపుని దృష్టిలో పెట్టుకుని ఈ పాత్ర కోసం సంప్రదించినట్టు తెలుస్తోంది. దీనికి హ్యూమా కూడా అంగీకరించింద‌నీ.. త్వరలోనే షూటింగ్‌లో కూడా పాల్గొనబోతోంద‌ని అంటున్నారు. కొణిదెల ప్రొడక్షన్ పతాకంపై రామ్ చరణ్ నిర్మాతగా వ్యవహరిస్తున్న ఈ సినిమాని వచ్చే వేసవికి ప్రేక్షకుల ముందుకు తీసుకురానున్నారు.