సూప‌ర్‌స్టార్ ర‌జ‌నీకాంత్ హీరోగా పా రంజిత్ ద‌ర్శ‌క‌త్వంలో రూపొందుతున్న చిత్రం `కాలా`. ఈ చిత్రంలో ముంబై హీరోయిన్ హ్యుమా ఖురేషి కూడా న‌టిస్తున్న సంగ‌తి తెలిసిందే. అయితే హ్యూమా ర‌జ‌నీకాంత్ జంట‌గా కాకుండా ఓ వేశ్య పాత్రలో న‌టిస్తుంద‌ట‌. ర‌జ‌నీకాంత్ జోడిగా ఈశ్వ‌రీరావు క‌న‌పడ‌నుంది. ముంబై డాన్ పాత్ర‌లో ర‌జ‌నీకాంత్ క‌న‌ప‌డుతున్నాడు. స‌ముద్ర‌ఖ‌ని కీల‌క‌పాత్ర‌లో న‌టిస్తున్నాడు. బాలీవుడ్ నటుడు నానా ప‌టేక‌ర్ నెగ‌టివ్ షేడ్స్ ఉన్న రాజ‌కీయ నాయ‌కుడి పాత్ర‌లో క‌న‌ప‌డ‌తాడు.

క‌బాలి త‌ర్వాత ర‌జ‌నీకాంత్‌, పా రంజిత్ కాంబినేష‌న్‌లో రానున్న సినిమా ఇది. ర‌జ‌నీ అల్లుడు, హీరో ధ‌నుష్ త‌న నిర్మాణ సంస్థ వండ‌ర్ బార్స్‌పై ఈ చిత్రాన్ని నిర్మిస్తున్నాడు. చెన్నైలో ముంబై సెట్ వేసి చిత్రీక‌ర‌ణ‌ను చేస్తున్నార‌ట‌. అల్రెడి విడుద‌లైన ఫ‌స్ట్ లుక్‌కు చాలా మంచి రెస్పాన్స్ వ‌స్తుంది.