శివాజీ, రోబో చిత్రాల‌తో సెన్సేష‌న్ క్రియేట్ చేసిన కాంబినేష‌న్ సూప‌ర్ స్టార్ ర‌జ‌నీకాంత్‌, టాప్ డైరెక్ట‌ర్ శంక‌ర్ ది. ఈ ఇద్ద‌రి క‌ల‌యిక‌లో వ‌స్తున్న మూడో చిత్రం '2.0'. అత్యంత భారీ బ‌డ్జెట్‌తో తెర‌కెక్కుతున్న ఈ చిత్రంలో బాలీవుడ్ న‌టుడు అక్ష‌య్ కుమార్ నెగెటివ్ టచ్ ఉన్న పాత్ర‌లో క‌నిపించ‌నున్నారు. శంక‌ర్ గ‌త చిత్రం 'ఐ'లో క‌థానాయిక‌గా న‌టించిన ఎమీ జాక్స‌న్ ఇందులో కూడా హీరోయిన్‌గా న‌టిస్తోంది. డ‌బుల్ ఆస్కార్ అవార్డ్స్ విన్న‌ర్ ఎ.ఆర్‌.రెహ‌మాన్ సంగీత‌మందిస్తున్నారు.

ఇదిలా ఉంటే.. ఈ చిత్రం జ‌న‌వ‌రి 25న విడుద‌ల కావాల్సి ఉంది. అయితే కొన్ని అనివార్య కార‌ణాల వ‌ల్ల ఈ సినిమా ఏప్రిల్‌కి వాయిదా ప‌డింది. అయితే డేట్ విష‌యంలో మాత్రం ఇప్ప‌టివర‌కు క్లారిటీ రాలేదు. అయితే.. ర‌జ‌నీ ఈ విష‌యంపై క్లారిటీ ఇచ్చారు. ఆయ‌న్ని క‌ల‌వ‌డానికి వ‌చ్చిన అభిమానుల‌తో ఏప్రిల్ 14న త‌మిళ నూత‌న సంవ‌త్స‌రాది సంద‌ర్భంగా ఈ సినిమాని అన్ని భాష‌ల్లోనూ ఒకే సారి విడుద‌ల చేయ‌నున్న‌ట్లు ఆయ‌న ప్ర‌క‌టించార‌ని తెలిసింది. దీంతో.. ఏప్రిల్ 27న రానున్న 'భ‌ర‌త్ అనే నేను', 'నా పేరు సూర్య నా ఇల్లు ఇండియా' చిత్రాల‌కి విడుద‌ల విష‌యంలో స్ప‌ష్ట‌త వ‌చ్చే అవ‌కాశం క‌నిపిస్తోంది.