சூப்பர் ஸ்டார் ரஜினிகாந்த் தான் அடுத்து நடிக்க இருக்கும் இரண்டு படங்களுக்கும் சேர்த்து லைகா நிறுவனத்திடம் ரூபாய் 300 கோடி சம்பளம் வாங்கியுள்ளதாக திரையுலகில் ஒரு செய்தி பரவி பரபரப்பை ஏற்படுத்தி உள்ளது. 

சூப்பர் ஸ்டார் ரஜினிகாந்த் தற்போது சன் பிக்சர்ஸ் நிறுவனத்தின் தயாரிப்பில், நெல்சன் இயக்கத்தில், அனிருத் இசையில் உருவாகி வரும் ‘ஜெயிலர்’ படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் அடுத்ததாக லைகா நிறுவனத்திற்காக ரஜினிகாந்த் அடுத்தடுத்து இரண்டு படங்களில் நடிக்க இருப்பதாக கூறப்படுகிறது.

ஒரு படத்தை சிவகார்த்திகேயன் நடித்த ‘டான்’ படத்தை இயக்கிய இயக்குனர் சிபிசக்கரவர்த்தி இயக்க இருப்பதாகவும் அதற்கான ஆரம்பகட்ட பணிகள் தற்போது தொடங்கி விட்டதாகவும் கூறப்படுகிறது. இன்னொரு படத்தை பிரபல இயக்குனர் மணிரத்னம் இயக்குவார் என்று எதிர்பார்க்கப்படுகிறது.

இந்த நிலையில் இந்த இரண்டு திரைப்படத்திற்கும் சேர்த்து ரஜினிகாந்த் ரூ.300 கோடி சம்பளம் வாங்கி வருவதாக கூறப்படுகிறது. இது எந்த அளவுக்கு உண்மை என்பது போகப்போகத்தான் தெரியும். ஏற்கனவே அஜித் நடிக்க இருக்கும் ‘ஏகே 62’ படத்திற்காக அவருக்கு ரூ.105 கோடி சம்பளம் கொடுத்து உள்ளதாக செய்திகள் வெளியானது தெரிந்ததே.