பாஜகவுக்கு ரஜினி வாய்ஸ் கொடுப்பாரா?
- IndiaGlitz, [Thursday,March 17 2016]
கடந்த 2014ஆம் ஆண்டு பாஜக மத்தியில் ஆட்சியை பிடித்ததில் இருந்து கோலிவுட் திரையுலகினர் பலர் அந்த கட்சியில் சேர்ந்தவண்ணம் இருந்ததை பார்த்துவருகிறோம். அந்த வகையில் லேட்டஸ்ட்டாக இணைந்தவர் நடிகர் விஜயகுமார்.
பாஜகவில் சேர்ந்தவுடன் கட்சிக்காக பிரச்சாரம் செய்வேன் என்று மட்டும் விஜயகுமார் கூறியிருந்தால் இந்த செய்தியே வெளிவந்திருக்க வாய்ப்பில்லை. ஆனால் கட்சி மேலிடம் உத்தரவிட்டால் ரஜினியை கட்சிக்கு அழைத்து வருவேன் என்று அவர் தனது பேட்டியில் கூறியுள்ளார்.
ஐம்பது வருடங்களுக்கும் மேலாக கட்சியின் தலைமைப்பொறுப்பில் இருக்கும் கலைஞருக்கும், வீடு தேடி வந்து ஆதரவு கேட்ட பிரதமர் மோடிக்கும் மசியாத ரஜினி, பால்ய நண்பர் என்பதற்காக விஜயகுமாரிடம் மசிகிற ஆளா என்ன? விஜயகுமாரின் இந்த பேட்டி பாஜக மேலிடத்தலைவர்களை வேண்டுமானால் திருப்தி அடைய செய்யும். ஆனால் இந்த தேர்தலை பொருத்தவரை ரஜினிகாந்த் யாருக்கும் வாய்ஸ் கொடுக்க மாட்டார் என்றே அனைவராலும் கருதப்படுகிறது.