போக்குவரத்து ஊழியர்கள் வேலைநிறுத்தம்: இலவச வேன் வசதி செய்து கொடுத்த ரஜினி ரசிகர்கள்
- IndiaGlitz, [Thursday,January 11 2018]
தமிழக போக்குவரத்து ஊழியர்களின் போராட்டம் என்று எட்டாவது நாளாக நடைபெற்றதால் பொதுமக்கள் மிகுந்த சிரமத்திற்கு உள்ளாகினர். இந்த எட்டு நாள்களிலும் அலுவலகம் மற்றும் பள்ளி கல்லூரிகளுக்கு செல்பவர்கள் பெரும் அவதியடைந்தனர்
போக்குவரத்து ஊழியர்களின் வேலைநிறுத்தத்தால் குறைந்த அளவு பேருந்துகளே ஓடியதால் பயணிகள் அதிக கட்டணம் கொடுத்து ஆட்டோ மற்றும் ஷேர் ஆட்டோக்களில் பயணம் செய்து வந்தனர்
இந்த நிலையில் அவதியுற்றுள்ள பயணிகளுக்கு உதவும் வகையில் சென்னை திருவொற்றியூர் ரஜினி மன்றத்தை சேர்ந்தவர்கள் திருவொற்றியூரில் இருந்து சென்னை பிராட்வே வரை இலவச வேன் ஏற்பாடு செய்தனர். இதனால் இந்த வேனில் பயணம் செய்த பயணிகள் கட்டணம் இன்றி பயணம் செய்து மகிழ்ச்சி அடைந்தனர்.
ரஜினி ரசிகர்கள் போனறு மற்ற நடிகர்களின் ரசிகர்களும், சமூக நல அமைப்புகளும் இலவசமாக இல்லாவிட்டாலும் உரிய கட்டணத்தை பெற்றாவது பயணிகளுக்கு உதவலாமே என்பதே அனைவரின் கோரிக்கையாக உள்ளது.