சூப்பர் ஸ்டார் ரஜினிகாந்த் எந்த ஒரு பேட்டி அளித்தாலும் அந்த பேட்டியில் உள்ள ஒரு சிறுகுறை பெரிதாக்குவது, அல்லது அவர் சொன்னதை திரித்து கூறி பரபரப்பை ஏற்படுத்துவது என்பது ஒருசில ஊடகங்களுக்கு வாடிக்கையாகிவிட்டது. ரஜினிகாந்த் குறித்த எதிர்மறை செய்தி வெளியிட்டால் மட்டுமே ஊடகம் நடத்த முடியும் என்ற நிலையில் உள்ள ஒருசில ஊடகங்கள் இந்த வேலையை தொடர்ந்து செய்து வருகின்றன.

நேற்று ரஜினிகாந்த் சென்னை விமான நிலையத்தில் அளித்த பேட்டியில் '7 பேர் விடுதலை குறித்த வழக்கில் குடியரசு தலைவரிடம் மத்திய அரசு ஒப்புதல் பெறாமல் இருப்பது ஏன்? என்று ஒரு நிருபர் கேட்டார். அதற்கு ரஜினிகாந்த் 'எந்த 7 பேர் என்று கேட்டதும்' ராஜீவ் காந்தி கொலை வழக்கில் தண்டனை அனுபவித்து வரும் 7 பேர் என்று நிருபர்கள் விளக்கம் அளித்தனர். பின்னர் அந்த கேள்விக்கு 'அதுகுறித்து எனக்கு தெரியாது' என்று பதிலளித்தார். அதாவது ''7 பேர் விடுதலை குறித்த வழக்கில் குடியரசு தலைவரிடம் மத்திய அரசு ஒப்புதல் பெறாமல் இருப்பது ஏன்? என்ற கேள்விக்கு தனக்கு தெரியாது என்று பதிலளித்தார். ஆனால் ஒருசில ஊடகங்கள் இதனை எடிட் செய்து '7 பேர் குறித்து எனக்கு தெரியாது' என்று ரஜினிகாந்த் கூறியதாக செய்தி வெளியிட்டன.

இந்த நிலையில் இதுகுறித்து ரஜினிகாந்த் சற்றுமுன்னர் விளக்கம் அளித்துள்ளார்,. பேரறிவாளன் உள்ளிட்ட 7 பேர் பற்றி எனக்கு தெரியாது என்று நான் கூறியதாக ஒரு மாயையை சிலர் உருவாக்கி வருகின்றனர்; கேள்வியை தெளிவாக கேட்டிருந்தால் நானும் தெளிவாக பதிலளித்திருப்பேன்' என்று கூறியுள்ளார்.

பேரறிவாளன் கடந்த ஆண்டு பரோலில் வந்தபோது அவரிடமும் அவரது தாயாரிடமும் தொலைபேசி தொடர்பு கொண்டு ரஜினி பேசினார் என்று பேரறிவாளனின் வழக்கறிஞர் பேட்டியளித்திருக்கும் நிலையில் ரஜினிக்கு 7 பேர் யாரென்றே தெரியாது என்பது போல் ஒருசில அரசியல்வாதிகளும், ஊடகங்களும் கூறுவது தேவையற்றது என்பதே அனைவரின் கருத்தாக உள்ளது.