சூப்பர்ஸ்டார் ரஜினிகாந்த் கடந்த 31ஆம் தேதி அரசியலுக்கு வருவதை உறுதி செய்ததோடு தான் ஆன்மீக அரசியல் வழியில் செயல்படவுள்ளதாக அறிவித்தார். இதுகுறித்து பலரும் பலவித கருத்துக்களை தெரிவித்து வருகின்றனர். ஆன்மீகமும் அரசியலும் ஒன்றுக்கொன்று சம்பந்தம் இல்லாதது என்றும், ரஜினிகாந்த்தின் அறிவிப்பு குழப்பத்தை தருவதாகவும் ஒருசிலர் கருத்து தெரிவித்தனர்.

இந்த நிலையில் சற்றுமுன் செய்தியாளர்களை சந்தித்த ரஜினிகாந்த், ஆன்மீக அரசியல் என்றால் என்ன? என்பது குறித்து விளக்கம் அளித்தார்.' உண்மையான, நேர்மையான, நாணயமான சாதி, மத, சார்பற்ற அறவழி அரசியலே ஆன்மீக அரசியல் என அவர் விளக்கமளித்தார். மேலும் ஆன்மீகம் என்பது ஆத்மாவுடன் தொடர்புடையது என்றும் அவர் கூறினார்

ரஜினியின் இந்த விளக்கத்தை அடுத்து ஆன்மீக அரசியல் குறித்து விமர்சனம் செய்தவர்கள் அவர் மீதான விமர்சனத்தை நிறுத்தி கொள்வார்களா? அல்லது மேலும் விமர்சனம் செய்வார்களா? என்பதை பொறுத்திருந்து பார்ப்போம்