சுப்பிரமணியன் சுவாமியுடன் ரஜினி மகள் சந்திப்பு: காரணம் என்ன?
- IndiaGlitz, [Tuesday,November 16 2021]
பாஜக பிரபலம் சுப்பிரமணியன் சுவாமி அவர்களை ரஜினிகாந்தின் மகள் ஐஸ்வர்யா தனுஷ் சந்தித்து இருப்பது பெரும் பரபரப்பை ஏற்படுத்தி உள்ளது.
சூப்பர் ஸ்டார் ரஜினிகாந்த் அவர்கள் பாஜகவின் பல பிரபலங்களுடன் தொடர்பில் உள்ளார் என்பதும் இருப்பினும் பாஜக பிரபலம் சுப்பிரமணிசாமி அவ்வப்போது ரஜினிகாந்தை கடுமையாக விமர்சனம் செய்து வருவார் என்பதும் தெரிந்ததே.
இந்த நிலையில் ரஜினிகாந்தின் மகள் ஐஸ்வர்யா தனுஷ் இன்று டெல்லியில் சுப்பிரமணியசாமியை அவரது வீட்டில் சந்தித்து பேசியுள்ளார். இந்த சந்திப்பு மரியாதை நிமித்தமானது என்று கூறப்படுகிறது. இருப்பினும் இந்த சந்திப்பு குறித்து ஐஸ்வர்யா தனுஷ் தனது ட்விட்டர் பக்கத்தில் எந்த பதிவையும் செய்யவில்லை என்பது குறிப்பிடத்தக்கது.
டுவிட்டர் பயனாளி ஒருவர் இதுகுறித்த புகைப்படத்தை பகிர்ந்துள்ள நிலையில் அந்த புகைப்படத்தை சுப்பிரமணியசாமி தனது டுவிட்டரில் ரீட்வீட் செய்துள்ளார் என்பது குறிப்பிடத்தக்கது. இந்த சந்திப்பின்போது அடுத்த முறை சென்னை வரும்போது ரஜினிகாந்தை சந்தித்து பேச சுப்பிரமணியசாமி சம்மதித்து உள்ளதாக தெரிகிறது. ரஜினிகாந்த் - சுப்பிரமணியசாமி சந்திப்பு விரைவில் நடக்குமா என்பதை பொறுத்திருந்து பார்ப்போம்.