இந்தியாவின் பிரபல தொழிலதிபர் முகேஷ் அம்பானியின் மகன் ஆனந்த் அம்பானி திருமணம் நேற்று முதல் தொடங்கியுள்ள நிலையில் இந்த திருமணத்திற்கு திரை உலக பிரபலங்கள், அரசியல்வாதிகள், தொழிலதிபர்கள் மற்றும் உலகின் மிகப்பெரிய பிரபலங்கள் வருகை தந்து கொண்டிருக்கின்றனர்.

ஆனந்த் அம்பானி - ராதிகா மெர்ச்சன்ட் திருமணம் நேற்று முதல் மூன்று நாட்கள் நடைபெறுவதாகவும் இதற்காக 1700 கோடி ரூபாய் செலவு செய்யப்படுவதாகவும் கூறப்படுகிறது.

இந்த நிலையில் இந்த திருமணத்தில் கலந்து கொள்ள ரஜினிகாந்த் , அவருடைய மனைவி லதா ரஜினிகாந்த், மகள் சௌந்தர்யா, அவருடைய கணவர் விசாகன் உள்பட ரஜினி குடும்பத்தினர் கலந்து கொள்ள மும்பை சென்றனர் என்பதும் இந்த திருமண விழாவில் ரஜினி குடும்பத்தினர் கலந்து கொண்ட புகைப்படம் மற்றும் வீடியோக்கள் இணையத்தில் வைரல் ஆனது என்பது குறிப்பிடத்தக்கது.

இந்த நிலையில் நேற்று மணமகன் ஆனந்த் அம்பானி அருகே ரஜினிகாந்த் நின்று கொண்டிருந்த நிலையில் திடீரென அவர் டான்ஸ் ஆடினார். ரஜினியின் டான்ஸை பார்த்து அருகில் உள்ளவர்கள் ஆச்சரியப்பட்டு புகைப்படம் மற்றும் வீடியோக்கள் எடுத்துக்கொள்ள இந்த வீடியோ தற்போது இணையத்தில் வைரல் ஆகி வருகிறது.

ரஜினிகாந்த் பொதுவாக எந்த விழாவிலும் இவ்வாறு டான்ஸ் ஆடியது கிடையாது, ஆனால் முகேஷ் அம்பானி வீட்டு திருமணத்தில் அவர் டான்ஸ் ஆடியது ஆச்சரியத்தை ஏற்படுத்தியுள்ளது. சினிமாவில் கூட இப்படி ரஜினி டான்ஸ் ஆடியதில்லை என ரசிகர்கள் இந்த வீடியோவுக்கு கமெண்ட்களை பதிவு செய்து வருகின்றனர்.