சூப்பர் ஸ்டார் ரஜினிகாந்த் சகோதரர் சத்தியநாராயண ராவ் இன்று மதுரையில் மீனாட்சி அம்மன் கோவிலில் சுவாமி தரிசனம் செய்தார். இது குறித்த புகைப்படங்கள் இணையத்தில் வைரலாகி வருகின்றது.

இந்நிலையில் மீனாட்சி அம்மன் கோவிலில் சாமி தரிசனம் செய்த பின்னர் செய்தியாளர்கள் அவரைச் சுற்றி பல்வேறு கேள்விகளை எழுப்பினார். அவற்றில் ஒன்று ’ரஜினிக்கு ஆளுநர் பதவி கிடைக்குமா? என்பதுதான். அதற்கு பதில் அளித்த சத்யநாராயண ராவ், ‘எல்லாம் இறைவனின் கையில் தான் இருக்கிறது’ என்று கூறினார்.

சமீபத்தில் இமயமலைக்கு ஆன்மிக பயணம் சென்ற ரஜினிகாந்த், சென்னைக்கு திரும்பி வரும் வழியில் உத்தர பிரதேச மாநில முதலமைச்சர் யோகி ஆதித்யநாத், ஜார்கண்ட் மாநில ஆளுநர் சிபி ராதாகிருஷ்ணன் உட்பட சில அரசியல் தலைவர்களை சந்தித்தார்.

மேலும் நேற்று சென்னையில் அவரை முன்னாள் முதல்வர் ஓபிஎஸ் சந்தித்தார். இந்த நிலையில் ரஜினிக்கு ஆளுநர் பதவி கிடைக்க வாய்ப்பிருப்பதாக கூறப்பட்ட நிலையில் ரஜினிகாந்த் சகோதரர் பதில் பரபரப்பை ஏற்படுத்தியுள்ளது.