சூப்பர் ஸ்டார் ரஜினிகாந்த் அவர்கள் ஏஆர் முருகதாஸ் இயக்கியுள்ள ’தர்பார்’ படத்தின் படப்பிடிப்பை சமீபத்தில் முடிந்த பின்னர், பத்து நாள் ஆன்மீகச் சுற்றுப் பயணமாக இமயமலையில் உள்ள கேதார்நாத், பத்ரிநாத், ரிஷிகேஷ் ஆகிய பகுதிகளுக்கும் சென்றுள்ளார் என்பது ஏற்கனவே தெரிந்ததே.

மகள் ஐஸ்வர்யா தனுஷூடன் ஆன்மீகச் சுற்றுப் பயணம் செய்துள்ள ரஜினிகாந்த், பாபா ஆசிரமத்தில் புத்தகம் வாங்கும் வீடியோ ஒன்று தற்போது வெளியாகியுள்ளது. இன்று அவர் தனது மகளுடன் ரிஷிகேஷில் உள்ள சுவாமி தயானந்த ஆசிரமத்துக்கும், பாபா ஆசிரமத்திற்கும் சென்றுள்ளார். அங்குள்ள புத்தகம் நிலையம் ஒன்றில் புத்தகம் வாங்கி அந்த புத்தகம் குறித்து கடைக்காரரிடம் விளக்கம் கேட்கும் வீடியோ ஒன்று தற்போது இணையதளத்தில் வைரலாகி வருகிறது.

இந்த நிலையில் தனது ஆன்மீக பயணத்தை முடித்துவிட்டு சென்னை திரும்பிய உடன் ரஜினிகாந்த் ’தர்பார்’ படத்தின் டப்பிங் பணிகளில் ஈடுபட உள்ளதாகவும் அதனை அடுத்து அவர் சிறுத்தை சிவா இயக்கும் ’தலைவர் 168’படத்தின் படப்பிடிப்பில் கலந்து கொள்ள இருப்பதாகவும் செய்திகள் வெளிவந்துள்ளது .