உங்களுக்கும் ஒரு காலம் வரும்: பிரபல அரசியல் தலைவருக்கு ரஜினி வாழ்த்து
- IndiaGlitz, [Wednesday,January 30 2019]
திமுக தலைவர் கருணாநிதியின் மறைவிற்கு பின் அவரது மகன் மு.க அழகிரி மீண்டும் திமுகவில் இணைய முயற்சி செய்தார். ஆனால் திமுக தலைவர் பொறுப்பை ஏற்ற மு.க.ஸ்டாலின், அழகிரியை மீண்டும் கட்சியில் இணைத்து கொள்ள மறுத்துவிட்டதாக தெரிகிறது.
இந்த நிலையில் ஜனவரி 30ஆம் தேதியான இன்று மு.க.அழகிரி தனது பிறந்த நாளை கொண்டாடினார். அவருக்கு அவருடைய குடும்பத்தினர்களும், ஆதரவாளர்களும் பிறந்த நாள் வாழ்த்துக்களை தெரிவித்தனர்.
இந்த நிலையில் சற்றுமுன் மு.க.அழகிரிக்கு சூப்பர் ஸ்டார் ரஜினிகாந்த் பிறந்த நாள் வாழ்த்து தெரிவித்துள்ளார். அரசியல் காலண்டரில் கடைசி பக்கம் என்பது யாருக்கும் இல்லை என்றும், உங்களுக்கும் ஒரு காலம் வரும் என்றும், எதிர்காலத்தில் எழுந்து வருவீர்கள் என்றும் ரஜினிகாந்த் தனது பிறந்த நாள் வாழ்த்தில் தெரிவித்துள்ளார்.