రజినీకాంత్ బయోపిక్...
- IndiaGlitz, [Monday,November 09 2020]
రజినీకాంత్.. బ‌స్సు కండ‌క్ట‌ర్ ప్రారంభ‌మైన ఆయన జీవితం సినిమాల్లోకి ప్ర‌వేశించిన తర్వాత సూపర్స్టార్ రేంజ్‌కు చేరుకున్నారు. ఎంద‌రికో స్ఫూర్తిదాయ‌కంగా ఉండే ఆయన జీవితాన్ని తెర‌పై ఆవిష్క‌రించ‌డానికి ప్ర‌ముఖ ద‌ర్శ‌కుడు లింగుస్వామి ప్ర‌య‌త్నాలు చేస్తున్న‌ట్లు స‌మాచారం.
రెండేళ్ల నుండి ఏ సినిమాను అనౌన్స్ చేయ‌ని ఈ ద‌ర్శ‌క నిర్మాత ర‌జ‌నీకాంత్ బయోపిక్ స్క్రిప్ట్ మీద‌నే వ‌ర్క‌వుట్ చేస్తున్నాడ‌ట. స్క్రిప్ట్ ప‌క్కాగా కుదిరిన తర్వాత ధ‌నుశ్‌తో ఈ సినిమా చేయాల‌నేది లింగుస్వామి ఆలోచ‌న అని టాక్ వినిపిస్తోంది. మరి తన బయోపిక్ రూపొందించ‌డానికి రజినీకాంత్ ఒప్పుకుంటారా! అనే ఆలోచించాల్సిన విష‌య‌మే. ఏడు ప‌దుల వ‌య‌సులోనూ సినిమాలు చేస్తున్న తలైవా రాజకీయాల్లోకి రావాలని ఆయన అభిమానులు కోరుకుంటున్నారు. త్వ‌ర‌లోనే ఆయన రాజ‌కీయ రంగ ప్ర‌వేశంపై ఓ క్లారిటీ రానుంద‌ని స‌మాచారం.
సినిమాల విషయానికి వస్తే ప్రస్తుతం శివ దర్శకత్వంలో అణ్ణాత్తే సినిమాలో నటిస్తున్నారు రజినీకాంత్. వచ్చే ఏడాది సినిమా విడుదలవుతుంది. దీని తర్వాత కూడా ఆయన సినిమాల్లో నటిస్తారని ఓ వైపు వార్తలు వస్తున్నాయి. కానీ ఇదే తరుణంలో ఆయన అభిమానులు మాత్రం తలైవా రాజకీయాల్లోకి రావాలని అంటున్నారు. మరి తలైవా రూటు ఏటో తెలియాలంటే వెయిటింగ్ తప్పదు.