பத்திரிகையாளர்களிடம் வருத்தம் தெரிவித்த ரஜினிகாந்த்
- IndiaGlitz, [Thursday,May 31 2018]
சூப்பர் ஸ்டார் ரஜினிகாந்த் நேற்று தூத்துகுடிக்கு சென்று துப்பாக்கி சூடு சம்பவத்தில் பாதிக்கப்பட்டவர்களை நேரில் சந்தித்து ஆறுதல் கூறினார். பின்னர் தூத்துகுடியிலும் சென்னையிலும் செய்தியாளர்களை சந்தித்தார்.
சென்னை விமான நிலையத்தில் செய்தியாளர்களை சந்தித்தபோது, திடீரென ஆவேசப்பட்டு ஒரு சர்ச்சைக்குரிய வார்த்தையை அவர் பேசியதால் பத்திரிகையாளர்கள் மனம் புண்பட்டதாக கூறப்பட்டது. இந்த நிலையில் ரஜினிகாந்த் தனது டுவிட்டர் பக்கத்தில் பத்திரிகையாளர்களிடம் வருத்தம் தெரிவித்துள்ளார். அவர் தனது டுவிட்டரில் கூறியதாவது:
விமானநிலையத்தில் நேற்று அளித்த பேட்டியின் போது நான் மிரட்டல் தொனியில், ஒருமையில் பேசியதாக சென்னை பத்திரிக்கையாளர் சங்கம் தெரிவித்துள்ளது. யாரையும் புண்படுத்தும் எண்ணம் எனக்கு இருந்ததில்லை, அப்படி எந்த பத்திரிக்கை அன்பர்களின் மனதாவது புண்பட்டுருந்தால் அதற்காக நான் வருந்துகிறேன் என்று கூறியுள்ளார்.