திருப்பதி லட்டு சர்ச்சை குறித்த கேள்விக்கு சூப்பர் ஸ்டார் ரஜினிகாந்த் கூறிய பதில் வீடியோ இணையத்தில் வைரல் ஆகி வருகிறது.

கடந்த சில நாட்களுக்கு முன் திருப்பதி வெங்கடாசலபதி கோவிலில் வழங்கப்படும் லட்டு பிரசாதத்தில் விலங்குகளின் கொழுப்பு கலக்கப்படுவதாக செய்தி வெளியான நிலையில், இது நாடு முழுவதும் உள்ள பக்தர்கள் மத்தியில் பெரும் அதிர்ச்சியை ஏற்படுத்தியது.

இந்த விவகாரம் குறித்து பலர் தங்கள் சமூக வலைதளங்களில் கருத்துக்களை தெரிவித்து வருகின்றனர் என்பதும், குறிப்பாக திரையுலக நட்சத்திரங்களும் சிலர் தங்கள் கருத்துக்களை தெரிவித்து வருகின்றனர் என்பதையும் ஏற்கனவே பார்த்தோம்.

இந்த நிலையில், இன்று சென்னை விமான நிலையத்திற்கு வந்த ரஜினியிடம் செய்தியாளர்கள், திருப்பதியில் லட்டு சர்ச்சை குறித்த கேள்வியை கேட்டபோது, "சாரி, நோ கமெண்ட்ஸ்" என்று அவர் பதில் அளித்தார்.

மேலும், 'தர்பார்' படத்திற்கு பிறகு போலீஸ் கேரக்டரில் நடிப்பதாகவும், 'வேட்டையன்' திரைப்படம் முற்றிலும் வித்தியாசமாக இருக்கும் என்றும் அவர் கூறினார்.