சூப்பர் ஸ்டார் ரஜினிகாந்த் மற்றும் சிவகார்த்திகேயன் படங்கள் ஒரே நாளில் ரிலீஸ் ஆக வாய்ப்பு இருப்பதாக கூறப்படுவதால் திரையுலகில் பரபரப்பு ஏற்பட்டுள்ளது.

சூப்பர் ஸ்டார் ரஜினிகாந்த் நடித்து வரும் ’ஜெயிலர்’ படத்தின் படப்பிடிப்பு சமீபத்தில் முடிவடைந்த நிலையில் தற்போது இந்த படத்தின் போஸ்ட் புரொடக்ஷன் பணிகள் தொடங்கியுள்ளது என்பது தெரிந்ததே. இந்த நிலையில் இந்த படத்தை வரும் சுதந்திர தின விடுமுறை தினத்தில் ரிலீஸ் செய்ய படக்குழுவினர் திட்டமிட்டுள்ளதாகவும், விரைவில் இதுகுறித்த அறிவிப்பை சன் பிக்சர்ஸ் நிறுவனம் வெளியிடும் என்றும் கூறப்படுகிறது.

அதேபோல் சிவகார்த்திகேயன் நடித்த ’மாவீரன்’ திரைப்படத்தின் படப்பிடிப்பு கிட்டத்தட்ட முடிவடைந்த நிலையில் இந்த படம் ஆகஸ்ட் 11ஆம் தேதி வெளியாகும் என சமீபத்தில் அதிகாரபூர்வமாக அறிவிக்கப்பட்டது.

இந்த நிலையில் ’ஜெயிலர்’ மற்றும் ’மாவீரன்’ ஆகிய இரண்டு திரைப்படங்களும் ஒரே நாளில் ரிலீஸ் ஆகுமா? என்பதை பொறுத்திருந்து பார்ப்போம்.