ரஜினியுடன் பிரபலம் கலந்து கொண்ட 'ஜெயிலர்' சக்சஸ் மீட்.. அனைவருக்கும் சிறப்பு பரிசு..!
- IndiaGlitz, [Sunday,September 10 2023]
சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படம் கடந்த ஆகஸ்ட் மாதம் 10ஆம் தேதி வெளியாகி மிகப்பெரிய வெற்றி பெற்றது. இந்த படம் வெளியாகி இன்றுடன் ஒரு மாதம் ஆகி உள்ள நிலையில் தற்போது இந்த படத்தின் சக்சஸ் மீட் நடந்து கொண்டு வருவதாக தகவல் வெளியாகியுள்ளது.
இந்த சக்சஸ் மீட் நிகழ்ச்சியில் சூப்பர் ஸ்டார் ரஜினிகாந்த் மற்றும் மோகன்லால் கலந்து கொண்டு இருப்பதாக தெரிகிறது. மேலும் ரஜினிகாந்த் இந்த படத்தில் நடித்த நட்சத்திரங்கள் மற்றும் தொழில்நுட்பக் கலைஞர்கள் அனைவருக்கும் சிறப்பு பரிசு வழங்கியுள்ளதாகவும் தெரிகிறது.
ரஜினி, மோகன்லால், நெல்சன் உள்பட படக்குழுவினர் பலர் இந்த நிகழ்ச்சியில் கலந்து கொண்டு இருப்பதாகவும் இந்த நிகழ்ச்சியை சிறப்பாக சன் பிக்சர்ஸ் நிறுவனம் நடத்தி வருவதாகவும் கூறப்படுகிறது
‘ஜெயிலர்’ திரைப்படம் கிட்டத்தட்ட 600 கோடி ரூபாய் வசூல் செய்துள்ளது என்பதும், ஏற்கனவே ரஜினி, நெல்சன் மற்றும் அனிருத் ஆகிய மூவருக்கும் சன் பிக்சர்ஸ் நிறுவனம் விலை உயர்ந்த ஆடம்பர கார் பரிசு வழங்கியது என்பது தெரிந்ததே.