சமீபத்தில் தூத்துக்குடி சென்ற சூப்பர் ஸ்டார் ரஜினிகாந்த், துப்பாக்கி சூடு சம்பவத்தால் பாதிக்கப்பட்டவர்களுக்கு நேரில் ஆறுதல் கூறினார். இந்த நிலையில் அடுத்ததாக அவர் மதுரை செல்லவுள்ளதாக கூறப்படுகிறது. ஆனால் இந்த விசிட் அவருடைய அடுத்த படத்திற்கான விசிட் என்பது குறிப்பிடத்தக்கது

ரஜினிகாந்த் தற்போது கார்த்திக் சுப்புராஜ் இயக்கி வரும் படத்தில் நடித்து வருகிறார். இந்த படத்தின் படப்பிடிப்பு கடந்த சில வாரங்களாக இமயமலை பகுதியான டார்ஜிலிங் உள்பட ஒருசில இடங்களில் நடைபெற்றது. இந்த நிலையில் இந்த படத்தின் முதல்கட்ட படப்பிடிப்பு நேற்றுடன் முடிந்துவிட்டதாக தகவல்கள் வெளிவந்துள்ளது.

இந்த படத்தின் அடுத்தகட்ட படப்பிடிப்பு மதுரையில் நடைபெறவுள்ளதாகவும் இதற்காக பெரிய செட் ஒன்று தயாராகி வருவதாகவும் தெரிகிறது. மதுரையில் நடைபெறும் படப்பிடிப்பில் ரஜினியுடன் விஜய்சேதுபதி கலந்து கொள்வார் என்று எதிர்பார்க்கப்படுகிறது.

சன்பிக்சர்ஸ் நிறுவனம் பிரமாண்டமாக தயாரித்து வரும் இந்த படத்தில் ரஜினிகாந்த், விஜய்சேதுபதி, பாபிசிம்ஹா, மேகா ஆகாஷ், சனத் உள்பட பலர் நடித்து வருகின்றனர். அனிருத் இசையமைப்பில் உருவாகும் இந்த படத்தில் நீண்ட இடைவெளிக்கு பின்னர் ரஜினியின் ஓப்பனிங் பாடலை எஸ்.பி.பாலசுப்பிரமணியன் பாடுகிறார். இந்த படம் அடுத்த ஆண்டு தமிழ்ப்புத்தாண்டு தினத்தில் வெளியாகும் என்று எதிர்பார்க்கப்படுகிறது.