ரஜினியின் '2.0' படத்தின் முக்கிய பணி முடிந்தது
- IndiaGlitz, [Wednesday,March 29 2017]
சூப்பர் ஸ்டார் ரஜினிகாந்த் நடிப்பில், பிரமாண்ட இயக்குனர் ஷங்கர் இயக்கத்தில் உருவாகி வரும் '2.0' படம் லைகா நிறுவனத்தின் தயாரிப்பில் உருவாகி வருகிறது.
இந்த படத்தின் படப்பிடிப்பு கிட்டத்தட்ட முடிந்துவிட்டதாகவும், இன்னும் ஒரே ஒரு பாடலின் படப்பிடிப்பு மட்டுமே இருப்பதாகவும் கூறப்படும் நிலையில் இந்த படத்தின் டப்பிங் பணி கடந்த சில நாட்களாக நடைபெற்று வந்தது. இந்த நிலையில் தற்போது ரஜினிகாந்த் உள்பட அனைத்து நட்சத்திரங்களின் டப்பிங் பணி முழுவதுமாக முடிந்துவிட்டதாக தகவல்கள் வெளிவந்துள்ளது., இருப்பினும் VFX மற்றும் மற்ற போஸ்ட் புரடொக்ஷன்ஸ் பணிகள் தொடர்ந்து நடைபெற்று வருகிறது.
2D, 3D, ஐமேக்ஸ் ஆகிய டெக்னாலஜியில் உருவாகி வரும் இந்த படம் இவ்வருட இறுதியில் வெளியாகும் என்று எதிர்பார்க்கப்படுகிறது. ரஜினிகாந்த், எமிஜாக்சன், அக்சயகுமார் உள்பட பலர் நடித்து வரும் இந்த படத்திற்கு நீரவ் ஷா ஒளிப்பதிவும், அந்தோணி படத்தொகுப்பு பணியும் செய்கின்றனர். ஏ.ஆர்.ரஹ்மானின் இசையில் இந்த படம் உருவாகி வருகிறது என்பது குறிப்பிடத்தக்கது.