இன்று முதல் ரஜினியின் அடுத்த ஸ்டெப் ஆரம்பம்
- IndiaGlitz, [Tuesday,September 27 2016]
சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கி வரும் '2.0' படத்தின் பலகட்ட படப்பிடிப்புகள் ஏற்கனவே முடிவடைந்துள்ள நிலையில் இம்மாத இறுதியில் அடுத்தகட்ட படப்பிடிப்பு நடைபெறவுள்ளதாகவும் இந்த படப்பிடிப்பில் ரஜினிகாந்த் கலந்து கொள்ளவுள்ளார் என்பதையும் ஏற்கனவே தெரிவித்திருந்தோம்.
இந்நிலையில் இன்று சென்னையில் நடைபெறும் இந்த படத்தின் படப்பிடிப்பில் ரஜினிகாந்த் கலந்து கொண்டுள்ளதாக தகவல்கள் வெளிவந்துள்ளது. மேலும் இந்த படத்தின் நாயகி எமிஜாக்சனும் படப்பிடிப்பிற்கு வந்துள்ளதாகவும், இன்று முதல் ரஜினி-எமி ஆகியோர் கலந்து கொள்ளும் பாடல் காட்சியின் படப்பிடிப்பு தொடங்கவுள்ளதாகவும் செய்திகள் வெளிவந்துள்ளது.
ஏற்கனவே இந்த படத்தின் படப்பிடிப்பு 75% முடிந்துவிட்ட நிலையில் விரைவில் மொத்த படப்பிடிப்பும் முடிக்கப்பட்டு போஸ்ட் புரடொக்ஷன்ஸ் பணிகள் தொடங்கப்படும் என தெரிகிறது.
லைகா நிறுவனம் பெரும் பொருட்செலவில் தயாரித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கின்றார்.