டெல்லி கிரிக்கெட் மைதானத்தில் ரஜினி-ஷங்கர்
- IndiaGlitz, [Sunday,March 06 2016]
சூப்பர் ஸ்டார் ரஜினிகாந்த் நடிப்பில் ஷங்கர் இயக்கி வரும் '2.0' படத்தின் படப்பிடிப்பு சென்னையில் உள்ள தனியார் தீம் பார்க் ஒன்றில் நடைபெற்று வருவதாகவும், இந்த படப்பிடிப்பில் மிலிட்டரி டேங்குகளை பயன்படுத்தி ஷங்கர் படப்பிடிப்பு நடைபெறுவதாகவும் வந்த செய்தியினை ஏற்கனவே பார்த்தோம்.
இந்நிலையில் இந்த படத்தின் அடுத்தகட்ட படப்பிடிப்பு டெல்லி கிரிக்கெட் மைதானத்தில் நடைபெறவுள்ளதாகவும், இங்கு பிரமாண்டமான ரோபோவின் சண்டைக்காட்சி நடைபெறவுள்ளதாகவும் செய்திகள் வெளிவந்துள்ளது.
இந்த படப்பிடிப்பிற்காக ரஜினி, ஷங்கர், VFX டீம் உள்பட விரைவில் டெல்லி செல்லவுள்ளதாகவும், மார்ச் மாதம் முழுவதும் டெல்லி கிரிக்கெட் மைதானத்தில் படப்பிடிப்பு நடைபெறவுள்ளதாகவும் கூறப்படுகிறது.
ரஜினிகாந்த், அக்சயகுமார், எமிஜாக்சன் உள்பட பலர் நடித்து வரும் இந்த படத்தை பெரும் பொருட்செலவில் லைகா புரொடக்ஷன்ஸ் நிறுவனம் தயாரித்து வருகிறது. ஏ.ஆர்.ரஹ்மான் இசையில் உருவாகும் இந்த படம் இந்திய திரையுலகின் மிக அதிக பட்ஜெட் படம் என்பது குறிப்பிடத்தக்கது.