வெளிநாட்டு தமிழர்களுக்கு ரஜினிகாந்த் கூறிய அறிவுரை மற்றும் வாழ்த்துக்கள்
- IndiaGlitz, [Tuesday,April 14 2020]
சூப்பர் ஸ்டார் ரஜினிகாந்த் அவர்கள் கடந்த சில மணி நேரத்திற்கு முன்பாக தமிழர்களுக்கு தமிழ் புத்தாண்டு வாழ்த்துக்களை தனது சமூக வலைப்பக்கத்தில் தெரிவித்தார் என்ற செய்தியைப் பார்த்தோம். இப்பொழுது தனியாக வெளிநாடு வாழ் தமிழர்களுக்கு தனியாக தமிழ் புத்தாண்டு வாழ்த்துக்களையும் கொரோனா நேரத்தில் செய்ய வேண்டிய அறிவுரைகளையும் கூறியுள்ளார். இது குறித்து அவர் வெளியிட்டுள்ள வீடியோவில் கூறியிருப்பதாவது:
வெளிநாட்டில் வாழும் தமிழர்களுக்கு இந்த புதிய ஆண்டு இனிதான ஆண்டாக அமைய வேண்டும் என்று இறைவனை வேண்டிக்கொள்கிறேன். கொரோனா வைரஸால் முழு உலகமே பாதிப்படைந்துள்ளது. இதற்கு இந்தியாவும் தமிழ்நாடும் விதிவிலக்கல்ல. உங்களைப் பிரிந்து வாழும் உங்கள் உறவினர்கள், குடும்பத்தினர்கள் சதா நேரமும் உங்களை பற்றி தான் சிந்தனை. உங்களைப் பத்திதான் அக்கரையில் உள்ளனர்.
நீங்கள் எந்த நாட்டில் வாழ்கின்றீர்களோ, அந்த நாட்டின் அரசு, எந்த கட்டுப்பாடுகளை விதித்து இருக்கின்றார்களோ, அதை நீங்கள் தவறாமல் கடைபிடித்து உங்களை நீங்கள் பாதுகாத்துக் கொள்ளுங்கள். நீங்கள் உங்கள் உறவினர்களுக்கும் உங்கள் குடும்பத்தாருக்கும் கொடுக்கும் இந்த ஆண்டின் மிகப்பெரிய பரிசு இதுதான். கவலைப்படாதீர்கள்.. இதுவும் கடந்து போகும் என்று ரஜினிகாந்த் கூறியுள்ளார் ரஜினிகாந்தின் இந்த வீடியோ தற்போது இணையத்தில் வைரலாகி வருகிறது என்பது குறிப்பிடத்தக்கது
உலகமெங்கும் வாழும் தமிழ் மக்களுக்கு எனது புத்தாண்டு வாழ்த்துகள். ???? #StayHomeStaySafe #PracticeSocialDistancing #இதுவும்_கடந்து_போகும் #EvenThisWillPass pic.twitter.com/hkwLqORr8q
— Rajinikanth (@rajinikanth) April 14, 2020