సూపర్ స్టార్ రజినీకాంత్‌ తీవ్ర అస్వస్థతకు గురయినట్టు తెలుస్తోంది. ప్రస్తుతం ఆయన నటిస్తున్న ‘అన్నాత్తే’ సినిమా షూటింగ్ హైదరాబాద్‌లోని రామోజీ ఫిలింసిటీలో జరుగుతున్న విషయం తెలిసిందే. అయితే చిత్రబృందంలోని ఏడుగురికి కరోనా పాజిటివ్‌గా నిర్ధారణ కావడంతో షూటింగ్‌ను నిలిపివేశారు. అప్పటి నుంచి రజినీ హైదరాబాద్‌లోనే సెల్ఫ్ క్వారంటైన్‌లో ఉన్నారు. కాగా.. నేడు సడెన్‌గా ఆయనకు బీపీ పెరగిందని తెలుస్తోంది. వెంటనే ఆయనను జూబ్లీహిల్స్‌లోని అపోలో ఆసుపత్రికి తరలించారని సమాచారం. దీంతో ఆయన అభిమానులు ఆందోళన చెందుతున్నారు.

షూటింగ్ వాయిదా పడటంతో ఆయన తమిళనాడుకు వెళ్లాల్సి ఉంది. ఇంతలోనే ఆయనకు తీవ్రమైన రక్తపోటు, ఎక్సాషన్ కారణంగా రజినీ బాధ పడుతున్నట్టు తెలుస్తోంది. దీంతో ఆయనను అపోలోకు తరలించారు. ప్రస్తుతం ఆయన కుమార్తె ఐశ్వర్య కూడా రజినీకాంత్‌తోపాటే సాయంగా ఉన్నట్టు తెలుస్తోంది. కాగా.. ‘అన్నాత్తే’ సినిమాను ఎలాగైనా జనవరి నాటికి పూర్తి చేసి.. రాజకీయ ఆరంగేట్రం చేయాలనే యోచనలో రజినీ ఉన్నారు. ముఖ్యంగా రజినీతో తెరకెక్కించాల్సిన సన్నివేశాలన్నీ శరవేగంగా చిత్రబృందం తెరకెక్కించేందుకు ఏర్పాట్లు చేసింది. కొంత భాగం పూర్తైన తరుణంలో షూటింగ్‌లో కరోనా కల్లోలం రేపింది. దీంతో రజినీకాంత్ కూడా సెల్ఫ్ క్వారంటైన్‌‌లో ఉన్నారు.

Superstar #RajniKanth was shifted to Apollo Hospital, #Hyderabad@rajinikanth Suffering with High BP.. pic.twitter.com/x8ozBAHKhx

— IndiaGlitz™ l తెలుగు (@igtelugu) December 25, 2020