பாராளுமன்ற தேர்தலுக்கு இன்னும் ஒருசில மாதங்களே இருக்கும் நிலையில் தேர்தலை எதிர்கொள்ளவும், கூட்டணி அமைக்கவும் அரசியல் கட்சிகள் தயாராகி வருகின்றன. இந்த நிலையில் நேற்று நடந்த மக்கள் நீதி மய்யம் செயற்குழு கூட்டத்தில் பாராளுமன்ற தேர்தலில் தான் போட்டியிட போவதாகவும், தமிழகத்தின் மரபணுவை மதிக்காத கட்சிகளுடன் கூட்டணி இல்லை என்றும் ஒத்த கருத்துடைய கட்சிகளுடன் கூட்டணி என்றும் கமல்ஹாசன் தெரிவித்தார்.

இதனையடுத்து நேற்று அமெரிக்காவுக்கு செல்ல விமான நிலையம் வந்த ரஜினிகாந்த் கூட்டணி குறித்து கூறியபோது, 'நான் இன்னும் கட்சியே ஆரம்பிக்கவில்லை என்றும், கட்சி ஆரம்பித்தவுடன் யாருடன் கூட்டணி என்பது குறித்தும், தேர்தலில் போட்டியிடுவது குறித்தும் அறிவிக்கவுள்ளதாகவும் தெரிவித்தார்.

மேலும் பேட்ட' திரைப்படம் தான் எதிர்பார்த்தது போலவே நன்றாக வந்திருப்பதாகவும், இந்த புத்தாண்டு அனைவருக்கும் நல்ல புத்தாண்டாக இருக்க ஆண்டவனை வேண்டி கொள்வதாகவும் தெரிவித்தார்.