ரஜினி பிறந்த நாளில் லைகா தரும் இன்ப அதிர்ச்சி
- IndiaGlitz, [Wednesday,June 15 2016]
சூப்பர் ஸ்டார் நடித்துள்ள 'கபாலி' படத்தின் செய்திகளே இணையதளங்களில் தினமும் டிரெண்டை ஏற்படுத்தி வரும் நிலையில் அவர் நடித்து வரும் இன்னொரு படமான '2.0' படத்தின் செய்திகளும் அவ்வபோது சமூக வலைத்தளங்களில் வெளிவந்து கொண்டிருக்கின்றது. அந்த வகையில் தற்போது '2.0' படத்தின் டீசர் மற்றும் ரிலீஸ் தேதி குறித்த தகவல்கள் வெளிவந்துள்ளது.
'2.0' படத்தின் ஃபர்ஸ்ட்லுக் மிக விரைவில் வெளிவரும் என்ற செய்தி ஏற்கனவே வெளிவந்த நிலையில் இந்த படத்தின் டீசர் வரும் டிசம்பர் 12ஆம் தேதி ரஜினியின் பிறந்த நாளில் வெளியிட லைகா நிறுவனம் திட்டமிட்டுள்ளதாக தகவல்கள் வெளிவந்துள்ளது. மேலும் இந்த படத்தை வரும் 2017ஆம் ஆண்டு ஏப்ரல் 14ஆம் தேதி அல்லது மே 5ஆம் தேதி உலகம் முழுவதும் பிரமாண்டமாக வெளியிட லைகா நிறுவனம் திட்டமிட்டுள்ளது.
ரஜினிகாந்த், அக்சயகுமார், எமிஜாக்சன் உள்ளிட்ட பலர் நடித்து வரும் இந்த படத்தை பிரமாண்ட இயக்குனர் ஷங்கர் இயக்கி வருகிறார். ஏ.ஆர்.ரஹ்மான் இசையில் உருவாகி வரும் இந்த படத்தின் மொத்த பட்ஜெட் ரூ.350 கோடி என கூறப்படுகிறது.a