சூப்பர் ஸ்டார் ரஜினியின் '2.0' ரிலிஸ் குறித்த முக்கிய தகவல்
- IndiaGlitz, [Friday,August 26 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் கடந்த மாதம் 22ஆம் தேதி ரிலீஸ் ஆகி வெற்றிகரமாக 50வது நாளை நோக்கி வெற்றி நடை போட்டு வருகிறது. மேலும் ரஜினியின் பிளாக்பஸ்டர் திரைப்படமான 'பாட்ஷா' விரைவில் அதிநவீன டிஜிட்டல் தொழில்நுட்பத்தில் வெளிவரவுள்ளது.
இந்நிலையில் பிரமாண்ட இயக்குனர் ஷங்கரின் இயக்கத்தில் உருவாகி வரும் ரஜினிகாந்த், அக்சயகுமார், எமிஜாக்சன் நடித்து வரும் '2.0 படத்தின் ரிலீஸ் தேதி குறித்த தகவல் வெளிவந்துள்ளது. இந்த படத்தின் படப்பிடிப்பு வரும் அக்டோபரில் முடிந்துவிடும் என்றும் அதன்பின்னர் சுமார் ஒருவருட காலம் கிராபிக்ஸ் உள்ளிட்ட போஸ்ட் புரொடக்ஷன்ஸ் பணிகளுக்கு ஒதுக்கப்பட்டு இந்த படம் 2017ஆம் ஆண்டு தீபாவளி தினத்தில் திரைக்கு வரும் என லைகா நிறுவனத்திற்கு நெருக்கமான வட்டாரங்கள் கூறுகின்றன.
இந்த தகவல் உண்மையாக இருக்கும் பட்சத்தில் 2017 தீபாவளி தினத்தில் அதாவது அக்டோபர் 19 அன்று ரஜினி ரசிகர்களுக்கு மிகப்பெரிய தீபாவளி விருந்து இருக்கும் என்பது உறுதியாகிறது.