రిపబ్లిక్ డే రోజు '2.O' టీజర్!
- IndiaGlitz, [Wednesday,December 06 2017]
సూపర్ స్టార్ రజనీ కాంత్, ఏస్‌ డైరెక్టర్ శంకర్ కాంబినేష‌న్‌లో వస్తున్న సినిమా '2.O'. అత్యంత భారీ బ‌డ్జెట్‌తో తెర‌కెక్కిన ఈ సైంటిఫిక్ యాక్షన్ థ్రిల్ల‌ర్‌.. ప్రస్తుతం పోస్ట్ ప్రొడక్షన్ పనులు జరుపుకుంటోంది. ఎమీ జాక్సన్ ఇందులో హీరోయిన్ గా నటించింది. బాలీవుడ్ స్టార్ హీరో అక్షయ్ కుమార్ విలన్ గా విల‌క్ష‌ణ పాత్ర‌లో నటించారు.
డ‌బుల్ ఆస్కార్ అవార్డ్ విన్న‌ర్ ఎ.ఆర్‌. రెహ‌మాన్ సంగీతం అందించిన ఈ చిత్రం ఆడియో ఇటీవ‌లే విడుద‌లైంది. 3డి టెక్నాలజీతో తెర‌కెక్కిన ఈ సినిమాని లైకా ప్రొడక్షన్స్ సంస్థ ఎంతో ప్ర‌తిష్ఠాత్మ‌కంగా నిర్మిస్తోంది. తాజా స‌మాచారం ప్ర‌కారం.. ఈ సినిమా టీజర్ ని రిపబ్లిక్ డే సందర్భంగా జనవరి 26, 2018 విడుదల చేయనున్నార‌ని తెలిసింది.
ఈ మూవీని ఏప్రిల్ లో రిలీజ్ చేసేందుకు చిత్ర యూనిట్ ప్లాన్ చేసింది. తెలుగు, తమిళ్, హిందీ, అరబిక్ భాషల్లో ఈ సినిమాని విడుదల చేయనున్నారు. రోబో త‌రువాత రజనీ, శంకర్ కాంబినేష‌న్‌లో వస్తున్న సినిమా కావడంతో 2.0పై భారీ అంచ‌నాలే ఉన్నాయి.