సూప‌ర్ స్టార్ ర‌జనీకాంత్, శంక‌ర్‌, అక్ష‌య్‌కుమార్,ఎమీజాక్స‌న్‌ కాంబినేష‌న్‌లో రూపొందుతోన్న భారీ చిత్రం 2.0 సీక్వెల్ ఆఫ్ రోబో. ప్ర‌స్తుతం చిత్రీక‌ర‌ణ ద‌శ‌లో ఉన్న ఈ చిత్రానికి సంబంధించి పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. 400 కోట్ల భారీ బ‌డ్జెట్‌తో రూపొందుతోన్న ఈ సినిమాను 2017 దీపావ‌ళికి విడుద‌ల చేద్దామ‌ని ప్ర‌క‌టించారు.

తెలుగు, త‌మిళం, హిందీ, గ్రాండ్ లెవ‌ల్లో విడుద‌లకు సిద్ధ‌మ‌వుతుందనుకుంటున్న త‌రుణంలో నిర్మాత‌లు రిలీజ్ డేట్ ను మార్చారు. ఈ విష‌యాన్ని లైకా ప్రొడ‌క్ష‌న్స్ ప్ర‌తినిధి రాజ మ‌హాలింగం ట్విట్ట‌ర్‌లో తెలియ‌జేశారు. ప్ర‌స్తుతం సినిమాను జ‌న‌వ‌రి 25, 2018న విడుద‌ల చేయ‌నున్నాం అని ప్ర‌క‌టించారు. కార‌ణాలు ప‌క్కాగా తెలియ‌లేదు కానీ, సాంకేతిక కార‌ణాలు కార‌ణంగానే సినిమా విడుద‌ల వాయిదా అయ్యి ఉండొచ్చున‌ని అనుకుంటున్నారు.