రజనీ 2.0 రిలీజ్ ఎప్పుడో చెప్పిన అక్షయ్..!
- IndiaGlitz, [Sunday,November 20 2016]
సూప‌ర్ స్టార్ ర‌జ‌నీకాంత్ - బాలీవుడ్ హీరో అక్షయ్ కుమార్ - అమీ జాక్స‌న్ కాంబినేష‌న్లో రూపొందుతున్న భారీ చిత్రం రోబో 2.0 ఈ చిత్రాన్ని లైకా ప్రొడ‌క్ష‌న్స్ సంస్థ దాదాపు 350 కోట్ల భారీ బ‌డ్జెట్ తో రూపొందిస్తుంది. ఈ చిత్రం ఫ‌స్ట్ లుక్ ను ఈరోజు ముంబాయిలోని య‌ష్ రాజ్ స్టూడియోలో రిలీజ్ చేసారు. ఈ సంద‌ర్భంగా 2.0లో విల‌న్ గా న‌టించిన బాలీవుడ్ హీరో అక్షయ్ కుమార్ ట్విట్ట‌ర్ లో స్పందిస్తూ...విల‌న్ కొత్త అవ‌తారం అంటూ 2.0లో త‌న క్యారెక్ట‌ర్ గెట‌ప్ ను పోస్ట్ చేసారు.
అలాగే 2.0 3డిలో వ‌చ్చే దీపావ‌ళికి రిలీజ్ అని తెలియ‌చేసారు. ఈ మూవీ క్లైమాక్స్ ను చెన్నైలోని చేపాక్ క్రికెట్ స్టేడియంలో చిత్రీక‌రించారు. ఆధునిక టెక్నాల‌జీతో ఈ క్లైమాక్స్ చిత్రీక‌రించార‌ని స‌మాచారం. క్లైమాక్స్ ఎపిసోడ్ కి 20 కోట్లు ఖ‌ర్చు పెట్టార‌ట. హాలీవుడ్ స్టంట్ కొరియోగ్రాఫ‌ర్ కెన్నిబేట్స్ నేతృత్వంలో చిత్రీక‌రించిన యాక్ష‌న్ స‌న్నివేశాలు క‌నీవినీ ఎరుగ‌ని రీతిలో ప్రేక్ష‌కుల‌కు థ్రిల్ క‌లిగిస్తాయ‌ట. రోబో తో సంచ‌ల‌నం సృష్టించిన రజనీ - శంక‌ర్ కాంబినేష‌న్ ఈసారి ఎలాంటి సెన్సేష‌న్ క్రియేట్ చేస్తుందో తెలియాలంటే వ‌చ్చే దీపావ‌ళి వ‌ర‌కు ఆగాల్సిందే..!