త‌లైవా ర‌జినీకాంత్ రాజ‌కీయాల‌కు దూర‌మైన సంగ‌తి తెలిసిందే. ఆరోగ్య స‌మ‌స్య‌ల‌తో రాజ‌కీయాల‌కు తాను దూరం అనే విష‌యాన్ని ఆయ‌న ప్ర‌క‌టించేశాడు. దీంతో ఆయ‌న ఇక సినిమాల‌కే ప‌రిమితం కానున్నారు. ప్ర‌స్తుతం ర‌జినీకాంత్ టైటిల్ పాత్ర‌లో న‌టిస్తోన్న చిత్రం ‘అణ్ణాత్త‌’. అరవై శాతం చిత్రీకరణ పూర్తయ్యింది. ఈ సినిమాకు సంబంధించి డైరెక్ట‌ర్ శివ‌.. త్వరలోనే చెన్నైలోనే కొత్త షెడ్యూల్‌ను ప్రారంభించ‌డానికి ప్లాన్ చేస్తున్నారు. దీపావ‌ళి సంద‌ర్భంగా న‌వంబ‌ర్ 4న ‘అణ్ణాత్త‌’ సినిమాను విడుద‌ల చేయ‌బోతున్న‌ట్లు నిర్మాణ సంస్థ స‌న్ పిక్చ‌ర్స్ అధికారికంగా ప్ర‌క‌టించిన సంగ‌తి తెలిసిందే. ఇందులో మీనా, ఖుష్బూ, నయనతార, కీర్తి సురేశ్ తదితరులు నటిస్తున్నారు.

కోలీవుడ్ వ‌ర్గాల లేటెస్ట్ స‌మాచారం మేర‌కు, ర‌జినీకాంత్ 169వ చిత్రం కూడా ఖ‌రారైందట‌. 2019లో రజినీకాంత్‌తో ‘పేట’ సినిమాను తెరకెక్కించిన దర్శకుడు కార్తీక్ సుబ్బరాజ్, రజినీకాంత్ 169వ చిత్రాన్ని తెరకెక్కిస్తారట. సన్ పిక్చర్స్ బ్యానర్లోనే ఈ సినిమా ఉంటుందని అంటున్నారు. అంతా సవ్యంగా జరిగితే 2022లో రజినీకాంత్ 169వ సినిమా ట్రాక్ ఎక్కుతుందని వార్తలు వినిపిస్తున్నాయి.