சூப்பர் ஸ்டார் ரஜினிகாந்த் கடந்த சில நாட்களுக்கு முன்னர் உடல்பரிசோதனை செய்து கொள்ள அமெரிக்கா சென்றார் என்பது தெரிந்ததே.    இந்த பயணத்தின்போது அவர் ரஜினி மக்கள் மன்ற அமெரிக்க மற்றும் கனடா நிர்வாகிகளிடம் ஆலோசனை செய்வார் என்றும் கூறப்பட்டது.

மேலும் ரஜினி ஆரம்பிக்கவுள்ள அரசியல் கட்சியில் சேர தமிழகத்தின் முக்கிய புள்ளிகள் விருப்பம் தெரிவித்து வருவதாக செய்திகள் வெளிவந்து கொண்டிருக்கின்றது. இந்த நிலையில் ரஜினியை அமெரிக்காவில் சந்திக்க தமிழகத்தின் முக்கிய புள்ளிகள் விருப்பம் தெரிவித்ததாகவும், ஆனால் ரஜினி அதற்கு ஒப்புதல் அளிக்கவில்லை என்றும் கூறப்படுகிறது. 

தன்னுடைய அரசியல் பாதையில் ஏற்கனவே பிரபலமாக உள்ள அரசியல் தலைவர்களை இணைக்க அவர் விரும்பவில்லை என்றும், ஆன்மீக அரசியல் என்ற தனது அரசியல் களம், முழுக்க முழுக்க தனது தனிப்பட்ட களமாக இருக்க வேண்டும் என்று அவர் விரும்புவதாகவும் கூறப்படுகிறது.