கமல் கட்சியில் நான் இணைய ரஜினியே காரணம்: ஸ்ரீப்ரியா
- IndiaGlitz, [Tuesday,October 02 2018]
நடிகர் கமல்ஹாசன் கடந்த பிப்ரவரி மாதம் 'மக்கள் நீதி மய்யம்' என்ற அரசியல் கட்சியை தொடங்கி நடத்தி வருகிறார். திரையுலகில் பிரபலமான கமல், கட்சி ஆரம்பித்துள்ளதால் திரையுலகினர் பலர் ஆதரவு தருவார்கள் என எதிர்பார்க்கப்பட்டது. ஆனால் நடிகை ஸ்ரீப்ரியா, கவிஞர் சினேகன் என ஒருசிலர் மட்டுமே கமல் கட்சியில் இணைந்துள்ளனர்.
இந்த நிலையில் தான் கமல் கட்சியில் இணைய ரஜினியே காரணம் என ஸ்ரீப்ரியா கருத்து தெரிவித்துள்ளார். ரஜினியின் கருத்துக்கள் தனக்கு பிடிக்கவில்லை என்றும், ரஜினி கொள்கை தனக்கு ஒத்துப்போகவில்லை என்றும் அதனால்தான் அவருடன் சேரவில்லை என்றும் கமல் கொள்கைகள் பிடித்ததால் அவருடைய கட்சியில் இணைந்ததாகவும் ஸ்ரீப்ரியா தெரிவித்துள்ளார்.
ரஜினி, கமல் இருவரும் கிட்டத்தட்ட ஒரே சமயத்தில் அரசியலில் குதித்துள்ள நிலையில் இருவருக்கும் மக்கள் மத்தியில் எந்த அளவுக்கு செல்வாக்கு உள்ளது என்பது தேர்தலுக்கு பின்னரே தெரியவரும்